Matyu 1:1 - Udél Dwata: Gna Kesfasad ne Lomi Kesfasad

¹ Ni se kmò kestugoden yóm gónó Jisas Krays gu semfu bè yóm tehe kehbalingen tau. Semfu gu bè yóm tehe Dabid. Ne ke Dabid, sfu yóm tehe Abraham.

Matyu 1:1 Iomraidhean Croise

Tekang Kbuten 12:3

Tey angat któbóngu kul yó kem tau gel tmóbóng kóm, okóm tnafaku yó kem tau hemmulà kóm. Ne mlan béléem gónóhu tmóbóng yóm kdéen tau bè klamangen benwu.”

Tekang Kbuten 2:4

Yó se tehe kmò kedlimun Dwata du yóm longit ne yóm tonok ne yóm kdéen ton. Bè yóm tehe kedlimun yóm sana Dwata hol gónó mogot yóm longit ne yóm tonok,

Tekang Kbuten 22:18

Lemwót bè yóm tey kimónem dou, angat wen bè yó kem bólem gónóhu hlan du yóm tóbóngu yóm kdéen but tau talak tonok.”

Tekang Kbuten 5:1

Ni se tutul yó kem kun ból Adam. Bè yóm tehe kifil Dwata kem tau, heskélen lu béléen.

Kem Lingón 132:11

Tey mget yóm tehe fasad Dwata ke Dabid, là kóen na a bud mulék elem baken, monen, “Angat wen bè yó kem sfuhem tles myón bè yóm gónóm myón kmamal.

Kem Lingón 89:3

Deng tehe monem, “Wen fasadu yóm tau deng néléku, duhen Dabid yóm sotu tau tóbóng lówóhu.

Kem Lingón 89:36

Yó tehe fasadu du, tendo gel wen semfu gu béléen, ne tendo bnenteyu yóm kogot le benwu bè yóm igoen tolo wen kdaw.

Isaya 11:1

Yóm kun kesfu tehe Dabid hol lómón yóm koyu deng nofok. Okóm yóm tuhoden bud wen lomi uléken. Hol lómón se yó ne ke Dabid, angat wen bud lomi tau hol geta semfu gu béléen.

Isaya 53:8

Tódô kenfô le. Ne yó kukum le du, hatay. Omin le mit du ebè yóm gónó le hmatay du. Là kô hendem le du yóm katayen. Okóm bè ktahuhen, lemwót bè salà tekuy se gónón matay.

Jirimaya 23:5

Yó bud udél Dwata, monen, “Angat kól yóm kdawen wen tau hol geta néléku lemwót bè ból Dabid, tey tau tedeng kmoen. Yó angat taba le du, Hanga Tedeng. Yóm tau hol geta angat néléku yó, tey hulung bè yóm kogoten tau ne hono tedeng yóm gel nmoen bè klamang yóm benwu knamalen.

Jirimaya 33:26

Là kô naw e kenbê kul yó kem sfu Jakub dalang se Dabid yóm tau tóbóng lówóhu. Angat wen néléku bè kun sfu Dabid mò mogot yó kem sfu Abraham, Isak ne Jakub. Yó nmou bélê le, angat bud huléku lu ebè yóm kul benwu ne tey kkoduhu kul bè yó.’ ”

Amus 9:11

Yó udél Dwata, monen, “Bè yóm kdaw yó, angat bud hen-gulék hdau yóm tehe kun nogot Dabid. Yóm kmoen ni, yóm benwu nogot Dabid yó, hol lómón ke yóm gónô deng gbà, okóm angat bud hdau yó kem bengen ne bud huléku yóm tehe tey keklóónen.

Sikaraya 12:8

Bè yóm kdaw yó, kenlung Dwata lu yó kem tau bè Jirusalim ne balù yó kem tau alì lunog bélê le, angat tey kekgis le lómón tehe kekgis Dabid. Ne yó kem sfu Dabid, angat lómó kmò le lómón ke Dwata ne lómón kmò le yóm hógów Dwata gel tukô gna kul.

Matyu 1:18

Ni se mò kewóten yóm tehe ksut Jisas Krays. Yóm yéen Midi, deng leninti yóm sotu sawang logi boluyen Jusif. Okóm yóm gu laan le là deng sgefet, tódô mlutut Midi mlan bè Tulus Dwata.

Matyu 1:2

Yóm Abraham ni, du se yóm hol kun mà yóm tehe Isak. Ne mngà yóm Isak, duhen Jakub. Tikóng mngà Jakub, duhen Juda ne yó kem dumun setwoli hono logi.

Matyu 15:22

Timbow le kól bè yó, wen sotu libun là Juhen lemwót bè yó mógów ebéléen, libun semfu gu bè tau Kanan. Tódô hgelen udélen tmaba ke Jisas, monen, “Ó Sér, sfu tehe Dabid, hol knoduhem ou. Wen yóm ngau libun lengel matahen, ne tey sidek kehlayamen du yóm gel malak du.”

Matyu 3:16

Timbow hahun gu lem él Jisas, tódô henmungen hnas bè longit, ne tódô tonen se yóm Tulus Dwata htuntun etahen gu bè longit, hol lómó kmoen obun, ne tódô mdef béléen.

Matyu 9:27

Timbow bud lemwót bè yó Jisas, wen lewu tau butô kemtes huli du ne tmaba le ebéléen, mon le, “Ó Sér, sfu tehe Dabid, hol knoduhem mi.”

Kun Snulat Luk 1:33

Du mò angat gónó le mogot yó kem tau semfu gu bè yóm tehe Jakub, ne laen kô dù sónen yóm kogoten tau.”

Kun Snulat Jan 7:42

Deng monen bè Sulat Dwata, semfu gu bè yóm tehe Dabid ne bè Bitlihim gónón sut, bè yóm tehe kun benwu Dabid.”Tey wen kesgólól nawa le yó kem tey tau wen bè yó, abay se là ssotu kehedem le ebè Jisas.

Kul Nmò 2:30

Du se sotu tehe tugod Dwata ekni, ne tngónen yóm tehe fasad Dwata du, ne tey kehget Dwata du yóm fasaden yó, monen, ‘Angat wen semfu gu béléem mò tles mogot yó kem nogotem.’

Sulat Pol Ebè Yó Kem Tau Hemtahu Bè Rom 1:3

Yó hol lemen nim Tulón Hyu ni, duhen yóm Ngaen, Jisas Krays. Tulónen yóm tehe le kehbalingen tau semfu gu bè yóm tehe Dabid.

Sulat Pol Ebè Yó Kem Tau Hemtahu Bè Rom 4:13

Tehe yu ekni, wen fasad Dwata ke Abraham ne bè yó kem semfu gu béléen. Yó fasaden kul, lu angat mogot yóm klamangen benwu. Là kóen mlan bè klolò Abraham du yóm hlau Musis gónó Dwata hlan du béléen yóm fasad yó. Okóm mlan bè yóm kehtahuhen ke Dwata. Són yó se gónón tedeng kton Dwata du, són bè yóm kehtahuhen.

Sulat Pol Ebè Yó Kem Tau Hemtahu Bè Rom 9:5

Tey tótól yó kem tehe fù le. Bud bè kul lugod snéen gónón sut Krays bè yóm kbalingen tau. Hol knóón ke laen dù sónen yóm kdóyón tekuy ke Dwata, yóm fen mogot yóm klamangen.

Glasya 3:16

Bè yóm tehe fasad Dwata ke Abraham ne bè yóm sotu semfu gu béléen, là kô monen du ke fasaden bè yó kem dumu semfu gu bè Abraham. Okóm monen bè yóm sotu semfu gu bè Abraham, duhen Krays.

1 Timuti 2:5

Yakà tek sotu du Dwata, ne tek sotu se yóm blóng tau ebè Dwata, duhen yóm tau boluyen Krays Jisas.

2 Timuti 2:8

Gel hentulónem nawa Jisas Krays, yóm deng hlowil Dwata, yóm semfu gu bè yóm tehe Dabid. Ni se yóm Tulón Hyu gel tendo hbólu ebè yó kem tau.

Deng Hegfan 22:16

“Ou se Jisas. Deng wen hógówu ebéléem lemwót gu bè longit mò heglalag du bélê ye bè simbahan ni kem ni. Ou se semfu gu bè yóm tehe Dabid, ne ou se yóm blotik semla alì mnóng ke móyón mwas.”