Mark 9:41 - Udél Dwata: Gna Kesfasad ne Lomi Kesfasad

⁴¹ Tódô tulónu kuy, yóm tau ke olon hinum kuy él lemwót bè yóm deng klolò ye do, angat dohò se yóm ofol blay Dwata du.”

Mark 9:41 Iomraidhean Croise

Matyu 10:42

Tódô tulónu kuy ktahuhen, baluen he ke tek olon él tnaw hinum ye yóm sotu tau gel lemolò do, yóm tau alì glaan bè kdéen, abay se dilô ye yóm kloloen do, angat dohò wen ofol blay Dwata kuy.”

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

Mark 4:10

Timbow le gotu skas yó kem dumu tau, mógów le ebéléen yó kem sfolò lewu gel lemolò du, ne wen kem dumu tau mung kul, snólók le yó kem deng hningónen bélê le.

Sulat Pol Ebè Yó Kem Tau Hemtahu Bè Rom 14:15

Okóm ke senbewegem kehedem kem dumuhem lemwót bè yóm gel kenem, yó gónón gfan yóm là kbong nawahem du. Hol béem abay nmò gónón lana kehtahu kem dumuhem ke mlan bè kkenem, igò Krays deng matay béléen se kun yóm dumum yó.

Sulat Pol Ebè Yó Kem Tau Hemtahu Bè Rom 8:9

Okóm kuy, là bud ye galak du ne yóm kuy knóyô ke deng nô bélê ye yóm Tulus Dwata tendo gónó ye galak. Okóm ke là nóen béléen yóm kun Tulus Krays yóm tau, là dengen kun tau Krays he yóm tau yó.

1 Kurin 15:23

Okóm deng mdengen ne butengen yóm angat klowil Dwata kul. Yó hol tanay hlowilen, duhen Krays. Ne bè yóm kdaw kesfulék Krays edini, yó he klowil Dwata yó kem tau deng nfun Krays.

1 Kurin 3:23

Tek sotu se mfun kuy, duhen Krays. Ne Dwata se fen mfun ke Krays.

2 Kurin 10:7

Bélê ye kuy, són yóm gel ton ye ta yóm gel snolò ye. Wen se tau bélê ye bè yó kun mon du du kun hógów Krays. Yake nan hol hendem dé yóm tau yó, abay se mi snéen kem tau hógów Krays.

Glasya 3:29

Ke deng nfunen yu Krays, henged ye deng semfu gu bè Abraham ne, ne wen se kuy du yóm tehe fasad Dwata du ekni.

Glasya 5:24

Yó kem tau deng nfun Krays Jisas, gotu kenbê le mò du yóm kdê sidek knóyô lówó tau.