Mark 9:12 - Udél Dwata: Gna Kesfasad ne Lomi Kesfasad

¹² Bnalà Jisas se lu, monen, “Tahu se yó, gna sut Ilaydya mò fen na a hemtifes yóm kdéen. Okóm monen bè Sulat Dwata, nan hol glayam he yóm Ngà Tau, ne angat senkbê le.

Mark 9:12 Iomraidhean Croise

Kem Lingón 74:22

Hekmóni, Dwata, nfihem yóm kóm. Hentulónem nawa yóm tendo kehnê le kóm smilef kdaw yó kem tau là hemtahu yó.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Isaya 50:6

Tódô bayau kwangu bè yó kem tau mfes do. Tódô bayau snéen yóm kehnê le dou. Ne yóm kekdut le bngetu ne yóm kedfut le lem uyóhu, tódô bayau kul.

Isaya 52:14

Tódô le neb yó kem tau bè yóm tehe kton le du, là hol dilô le du lówóhen ke lówó tau.

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Malakay 4:6

Yóm ktoloken kuy anì bud sulék nawa yó kem tau smà ne yó kem tau sngà. Ke là dengen sulék nawa ye bè yóm angat kkólu, angat tnafaku yóm benwu ye.” Ni se són yóm htugod Dwata ke Malakay.

Matyu 16:21

Nbuten bè yó ne, tódô gel hnakang Jisas tmulón du bè yó kem gel lemolò du yóm angat keglayamen, monen, “Là gbeku du ke là mógówe ebè Jirusalim. Bè yóm kkólu bè yó, angat hnayam le o yó kem tuha gónó tekuy gel galak, ne yó kem tau geta gel demsù ebè Dwata, ne yó kem tau gel tmolok hlau. Ngang le mò du efet hfatay le ou. Okóm bè getluhen kdaw, angat bud hlowil Dwata o.”

Matyu 26:24

Yóm Ngà Tau nan na matay he,” mon Jisas, “lómón yóm deng tehe eles tulónen bè Sulat Dwata. Bede tey angat kegtafaken yóm tau bemlay sumóng. Mom tumù ne ke béen dog tehe tau.”

Mark 10:33

“Ngem nim kógów tekuy ebè Jirusalim ni,” monen, “sok kuy kól ditu, angat eted le yóm Ngà Tau elem tdok yó kem geta bè yó kem gel demsù ebè Dwata ne yó kem tau gel tmolok hlau. Yó angat kukum le du, hatay. Ne angat blay le elem tdok yó kem tau sundu Ju du.

Mark 9:13

Okóm tódô tulónu kuy,” mon Jisas, “deng sut se Ilaydya, okóm tódô nmò le béléen yóm kul knóyô, hol lómón se yóm deng kmon Dwata du bè Sulaten gbak ebéléen.”

Mark 9:31

abay se wen toloken yó kem gel lemolò du, yó monen mò kul, “Angat blay le elem tdok yó kem tau yóm Ngà Tau mò hfatay le. Okóm bè getluhen kdaw bud mowil.”

Kun Snulat Luk 1:76

Ne omin Sekariya mudél ebè yóm ngaen, monen, “Ne uu, ngà, angat boluy le kóm kun tugod yóm Dwata alì geta bè kdéen. Uu se yóm fen eles tukô gna yóm gónó tekuy mogot mò fen hemtifes yóm lan angat loloen.

Kun Snulat Luk 23:11

Yó nmò Hirod ne yó kem sendaluhen, mom senflowon le Jisas, lel le hemnê du. Hesek le du yóm nes gel lesek yóm tau hol geta, ne bud heted Hirod Jisas ebè Paylét.

Kun Snulat Luk 23:39

Sotu bè yó kem tau mò sidek mung tnutuk le yó koni, sidek kebkóhen ebè Jisas, monen, “Ke uu se yóm Misaya, lenwaem knóem kun anì homongem se mi.”

Kul Nmò 1:6

Bè yóm kestifun le ebè Jisas yó kem gel hógówen, wen snólók le béléen, mon le, “Ó Sér, ni ne kô yóm khulékem du ebélê me kem tau Israél yóm kwalis me mogot du yóm kum benwu?”

Kul Nmò 4:11

Du se yóm gónón e gbak yóm tehe mon Dwata bè sulaten, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem tek sónen yó se yóm botu mò hembegel du yóm gónô hdà le.’