Mark 9:11 - Udél Dwata: Gna Kesfasad ne Lomi Kesfasad

¹¹ Ne wen snólók le bè Jisas, mon le, “Tahu kô yóm gel mon yó kem tau tmolok hlau, nan gna bud sut he yóm tehe Ilaydya, ominen yó sut yóm tau deng kun nélék Dwata?”

Mark 9:11 Iomraidhean Croise

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Malakay 4:5

Ngem, gu laanen là deng sut yóm kun kdaw ktafak yóm sana Dwata hol gónó mogot, angat wen hwitu elem blóng ye duhen Ilaydya yóm sotu tau tugodu.

Matyu 11:14

Ke yó dum móyô ye hemtahu du yóm tehe tulón le yó, kaem Jan yóm Ilaydya, yóm tehe gel mon le bud semfulék.

Mark 9:10

Tahu se, là kô tulón le du. Okóm gel sentulón le sónen lu lan yóm mon Jisas mowil.

Mark 9:4

Ne tódô hetnga ton le se tehe Ilaydya ne Musis, stulón le ke Jisas.