Mark 9:10 - Udél Dwata: Gna Kesfasad ne Lomi Kesfasad

¹⁰ Tahu se, là kô tulón le du. Okóm gel sentulón le sónen lu lan yóm mon Jisas mowil.

Mark 9:10 Iomraidhean Croise

Tekang Kbuten 37:11

Ya tey kélés nawa le du yó kem twoguhen okóm ke maen kun, sónmoen hemdem du ke tedu lanen yó kem knahen yó.

Matyu 16:22

Omin Pitér mit ke Jisas hlayuk udì, ne bnólówen, monen mò du, “Teya he yó, Sér. Yake béen dohò kut yóm monem yó.”

Mark 9:11

Ne wen snólók le bè Jisas, mon le, “Tahu kô yóm gel mon yó kem tau tmolok hlau, nan gna bud sut he yóm tehe Ilaydya, ominen yó sut yóm tau deng kun nélék Dwata?”

Mark 9:32

Okóm là kô dog tngón le du yó kem gel lemolò du yóm gónón e temnef nim mon Jisas mò kul ni, ne là se dog le mlos smólók du béléen.

Mark 9:9

Kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni efet nan mowil he yóm Ngà Tau.”

Kun Snulat Jan 12:16

Bè yóm kógów Jisas ebè Jirusalim yó, là kô glileb le du yó kem gel lemolò du ke yó tendoken yóm udél tehe hsulat Dwata yó. Okóm kogol yóm kulék Jisas ebè longit, yó he kegbelen bè nawa le deng gotu dohò etahen yóm tehe hsulat Dwata ekni, duhen yó sem deng nmò le béléen.

Kul Nmò 17:18

Wen se yó kem tau gel tmolok bè yóm benwu yó, nit le skuya mon Pol. Yóm kul gel ktolok yó kem tau yó, lemwót bè yó kem tehe tau gnan bélê le boluyen Épikuriyas ne Stuwik. Wen se bélê le mon du, “Tedu alì tulónen yóm tau laen dù tngónen alì móyô mudél yó?” Ne wen se mon du, “Lómón tô wen tólóng dwata lemwót bè benwu mayuk gel tulónen.” Yó gónó le mon du yóm yó, abay se Jisas yóm gel tulón Pol, ne yóm deng klowilen.