Mark 8:7 - Udél Dwata: Gna Kesfasad ne Lomi Kesfasad

⁷ Ne wen se ngà utón él nô bélê le. Bud nwa Jisas snéen, ne nan bud mni bè Dwata, ne ominen hsagid du yó kem gel lemolò du.

Mark 8:7 Iomraidhean Croise

Matyu 14:19

Tahu se. Omin Jisas gotu hyón yó kem tau bè yóm gónón ukol bnes. Ne nwahen yóm limu botù mambang ne lewu tedek utón él, ne temngel ebè longit, mni bè Dwata. Ominen kembéng yóm mambang, ne oguhen yó kem gel lemolò du anì sagid le ebè yó kem tau.

Mark 8:6

Omin Jisas gotu hyón kul bè tonok yó kem tey tau wen. Ne nwahen yóm hitu botù mambang, ne nan mni bè Dwata. Tikóng deng knihen, ominen kembéng du, ne hsagiden yó kem gel lemolò du ebè yó kem tau. Ne tahu se, nmò le.

Kun Snulat Luk 6:41

Ne bud sotu hningón Jisas bélê le, monen, “Moen de ke snolò tenngel ye huling kem dumu ye igoen tolo wen bótóng geblekel lem yóm kuy mata?

Kun Snulat Jan 21:5

Ne tmaba ebélê le Jisas, monen, “Ó kem Wè, deng wen guta ye kô?” Mon le se, “Laen duen.”