Mark 8:25 - Udél Dwata: Gna Kesfasad ne Lomi Kesfasad

²⁵ Bud nnok Jisas sbalà matahen, ne ominen hmunu temngel se yóm tau yó koni, ne baling hyu ketngelen, ne tódô tikaw se ktonen du yóm kdéen.

Mark 8:25 Iomraidhean Croise

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Matyu 13:12

Yóm tau ke wen deng gwahen, angat tendo bud gel tennù Dwata béléen anì hol mdengen yóm gwahen. Okóm yóm tau là suen du lem hendemen yóm deng gungolen, balù yóm udì tehe tngónen, angat bud kó Dwata béléen.

Mark 8:24

Ne temngel se yóm tau yó, monen, “El, wen tonu tau, okóm lómón tô koyu mógów.”

Mark 8:26

Ne mon Jisas mò du, “Hektengi mulék ebè gónóem ne, béi bud mlan bè yó bè gónón dê tau.”

Kul Nmò 1:10

Yóm igò le tolo hmunu temngel ebè longit, tódô ton le yó kem lewu tau mnes bukay mdà klohok le,

Kul Nmò 14:9

Myón bè yó se kun ne hmungol yóm ktolok Pol. Tódô dilô Pol béléen yóm kehtahuhen du yóm kegbek Jisas mkó yóm desen. Yó nmò Pol, tódô hmunu temngel ebéléen,

Flipay 1:6

Ne tódô eles tngónu yóm hyu deng nbut Dwata bélê ye, là kô tebelen du efet bè yóm kehdengen du bè yóm kdaw bud kkól Krays Jisas edini.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.