Mark 8:23 - Udél Dwata: Gna Kesfasad ne Lomi Kesfasad

²³ Tahu se. Omin Jisas malak yóm tau butô yó, niten hlayuk udì bè yóm benwu yó. Ne namuen iwol mata yóm tau butô, ne nnoken, ne monen mò du, “Deng wen tonem kô?”

Mark 8:23 Iomraidhean Croise

Isaya 44:2

Ou se yóm Dwata tehe mifil kuy. Tódô lemwót bè ksut ye yóm tendo któbóngu kuy. Hol bê ye abay hlikò, yakà yu du yóm tóbóng lówóhu. Yu se kem tau deng tehe néléku, kem tau kenbong nawahu.

Jirimaya 31:32

Yóm senfasad me ni, là mkélen bè yóm tehe kesfasad me yó kem tehe fù le bè yóm tehe kalaku kul hewà gu bè Idyip. Yóm tey kbong nawahu kul bè yóm kdaw yó hol lómón yóm tau syehen, ewenem mom nulé le yóm deng senfasad me.

Mark 5:23

ya tey kehkoduhen béléen, monen, “Ó Sér, tey leed desen yóm ngau libun. Holi mung dou bè gónóu nam e nnok dou anì tódô mkó tum desen, ne anì bud mowil.”

Mark 7:33

Tahu se, nwit Jisas hetsik yóm tau bokong yó koni, ne sbalà nseng Jisas tdok yóm klinguhen. Ne ominen dmulak tukô tdoken, ne duen te dilak yóm tau umew.

Mark 8:24

Ne temngel se yóm tau yó, monen, “El, wen tonu tau, okóm lómón tô koyu mógów.”

Mark 8:26

Ne mon Jisas mò du, “Hektengi mulék ebè gónóem ne, béi bud mlan bè yó bè gónón dê tau.”

Kul Nmò 23:19

Omin yóm kmandér malak bè sigel yóm ngà logi yó koni, lifut snólóken béléen, monen, “Tedu de yóm tô tulónem dou?”

Kul Nmò 9:8

Tahu se, btik Sol bè yó, ne mukat, okóm là buden mton. Tek sensalak yó kem dumun etu bè Damaskus.

Hibru 8:9

Yóm lomi hlolou kul ni, là mkélen bè yóm tehe hlolou yó kem tehe fù le bè yóm tehe kalaku kul gu bè Idyip. Yóm tehe hlolou kul yó, là kô dog lolò le du. Yó gónóhu tódô mayà kul.

Deng Hegfan 3:18

Yó gónóm mon, wen hlauhu kuy. Bemli ye béléu dé yóm tahu blówón anì hol tahu yóm kwen kendengen ye. Ne bemli ye béléu se yóm nes bukay mò lesek ye anì là myak ye bè yóm kógów ye laen dù nes. Ne bemli ye se béléu yóm bulung mata anì bud ye mton.