Mark 8:22 - Udél Dwata: Gna Kesfasad ne Lomi Kesfasad

²² Ngang le Jisas mówóng bè yó efet le dmuung bè Bitsayda. Bè yóm kkól le bè yó, wen tau butô nit le ebè Jisas, ne henkodu le béléen anì olon menok du.

Mark 8:22 Iomraidhean Croise

Matyu 11:21

Yó monen mò kul, “Angat tey tafak ye, yu kem tau bè Kurasin. Ne tey tafak ye se kuy, yu kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, ngem kà tódô le lemsek nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek tehe gel nmò le.

Matyu 14:36

Henkodu le béléen baluen ke olo le gemdù kilil nesen yó kem tau gemnóm des. Tahu se, tódô kdéen tau gotu mdù nesen, tódô le gotu bud hyu.

Matyu 8:15

Omin Jisas na a mogot bè sigelen, ne tódô sen-gengen se mkó yóm tey des kinien. Ominen hlingas btik, ne tódô kendel mò ken bè le Jisas.

Matyu 8:3

Tahu se, na e nenok Jisas yóm tau yó, monen, “Móyóe tmóbóng kóm. Mkó ne desem.” Ne tahu se, tódô sen-gengen se mkó béléen yóm des mifù yóm tau yó.

Matyu 9:29

Omin Jisas mnok bè mata le, monen, “Yó ne, guta ye balaen ne yóm deng kehtahu ye yó.”

Mark 2:3

Yóm igoen tmolok, gdek le bè yó se yó kem fat tau, wen tau sentihang le ebéléen, yóm tau matay sfu lówóhen.

Mark 3:10

Deng dê ne bélê le hkóhen des le. Yó gónóm mon alì wen kem dumu tau gemnóm des alì segdendel ebéléen anì gdù le.

Mark 6:45

Omin Jisas hotun kul elem ówóng yó kem gel lemolò du, hegnahen lu efatu yóm lanaw bè yóm benwu boluyen Bitsayda, ominen yó bud hulék yó kem tey tau wen.

Kun Snulat Luk 10:13

Bud mon Jisas, “Nawaw nim yu, kem tau bè Kurasin, nawaw yu snéen kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, là kô gbek le du ke là lemsek le nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek gel nmò le.

Kun Snulat Luk 9:10

Timbow le deng bud kól yó kem sfolò lewu tau hógów Jisas yó, gotu tulón le ke Jisas yó kem deng gendeng le. Ne omin Jisas mit kul hetsik són lu ditu bè yóm sotu benwu boluyen Bitsayda.

Kun Snulat Jan 1:44

(Nim Filip ni, tau lemwót bè yóm benwu boluyen Bitsayda, yóm benwu gónó le nô le Andru ne Pitér.)

Kun Snulat Jan 12:21

Bè yóm kkól le bè Jirusalim, na le na mógów ebè Filip yóm tau lemwót bè Bitsayda, benwu snakuf Galili yó mon le mò du, “Ó Sér, móyô me ston ke Jisas.”