Mark 8:11 - Udél Dwata: Gna Kesfasad ne Lomi Kesfasad

¹¹ Bè yóm benwu yó, wen kem Farisi sut bè Jisas na a mit du skuya mon. Móyô le ke wen gónó le dmuón du, yó gónó le mon du mò du, “Moi kum kun sotu hentaw ton mò gónó me hemtahu du yóm khógów Dwata kóm.”

Mark 8:11 Iomraidhean Croise

Kehewà 17:2

Gotu le tmalaw ebè Musis yó kem tau, mon le mò du, “Hol benlayem mi él mò ninum me.” Mon Musis se mò kul, “Moen de ke sónmò ye tmalaw? Moen de ke mom tô tnilów ye Dwata?”

Kehewà 17:7

Yó hlós boluy le du yóm benwu yó Masa ne Miriba abay se sónmò le tmalaw yó kem tau ne tnilów le Dwata yóm kmon le du, “Nô bélê tekuy Dwata kô ni, duhen ke là?”

Malakay 3:15

Bè kton tekuy du, hligal le kul yó kem tau heklabak. Tilob klowil le yó kem tau gel mò sidek ne baluen ke là nimón le ke Dwata, là kô gel tnafak Dwata kul.’ Ni se yóm udél ye sidek ebéléu,” mon Dwata.

Matyu 12:38

Ne wen bè yó kem tmolok hlau ne bè yó kem Farisi mudél ebè Jisas, mon le, “Ó Sér, kóyô me ke moi kum yóm hentaw ton.”

Matyu 19:3

Yóm knóen bè yó, wen kem Farisi mógów ebéléen, wen snólók le béléen mò dalil gónó le dmuón du, mon le, “Là sideken bè hlau tekuy kô ke skó bè yehenen yóm tau balù kihu buten?”

Matyu 21:23

Bud mulék ebè Gónô Dwata Jisas. Yóm igoen tolo tmolok bè yó, sut le béléen yó kem geta bè yó kem gel demsù ebè Dwata ne yó kem tuha gónó le gel galak, mon le mò ke Jisas, “Wen kô kwalisem mò du ni kem deng nmoem bè ni? Tau du se bemlay kóm kwalis mò du?”

Matyu 22:15

Bè yóm kungol kem Farisi du yó kem tulón Jisas yó koni, omin le lemwót mebel lan le gemkfô du bè kudélen.

Matyu 22:18

Okóm tódô tngón Jisas se yóm tô atul le, ne yó monen mò kul, “Tey tau hemtedeng knô nim yu. Moen de ke tô tnilów hnolot ye ou?

Matyu 22:23

Segeng bè yóm kdaw yó, wen se bè yó kem Sadyusi sut bè Jisas. Ni kem tau ni là kô hentahu le du ke angat bud hlowil Dwata yó kem tau deng matay.

Mark 12:15

Okóm tódô tngón Jisas yóm tô atul le yó kem tau yó, ne yó monen mò kul, “Moen de ke tô hnolot ye ou? Mit ye dou edini kun filak mgel na tenngel.”

Mark 2:16

Wen kem Farisi mton kul. Ni kem Farisi ni, hono kem tau tmolok hlau. Timbow ton le yóm kesegbót Jisas bè yó kem tau gemsalà, ne yó kem tau fen gel mtuk bwis bélê le, tódô le mógów ebè yó kem gel lemolò ke Jisas, ne mon le mò kul, “Moen yó du yóm tau gónó ye htolok ke deng mom segbót mken bè yó kem tau yóó?”

Mark 9:16

Snólók Jisas yó kem gel lemolò du, monen, “Tedu senkuya ye yó du?”

Kun Snulat Luk 10:25

Wen sotu bè yó kem gel tmolok hlau sut bè Jisas, wen snólóken béléen mò gónón tmilów du, monen, “Wen tô snólóku béléem, Sér,” monen. “Tedu de tô nmou du anì gutahu yóm klowil laen dù sónen?”

Kun Snulat Luk 11:16

Ne bud wen se kem dumu tau tô tmilów ke Jisas, tô hmò le hentaw ton mò ilô le yóm khógów Dwata du.

Kun Snulat Jan 4:48

Ne yó mom mon Jisas mò du, monen, “Ke là wen hentaw ton gel nmou, là kô hentahu ye dou.”

Kun Snulat Jan 6:30

Bud mon le se kul, “Hentaw ton du de tô nmoem mò gónó me hemtahu kóm? Tedu se tô nmoem?

Kun Snulat Jan 7:48

“Bà sotu bélê me kem tau wen glalen ke deng wen hemtahu béléen yóm tau yó, duhen ke wen sotu bè kem Farisi.

Kun Snulat Jan 8:6

Yóm snólók le bè Jisas ni, mò tô dalil le dmuón du. Okóm ke Jisas kun, lekohong ebè tonok, sulaten bè tonok tdoken.

Kul Nmò 5:9

Ne omin Pitér bud mon du ebéléen, monen, “Tey, mò ye mom semtilów temdek du du yóm Tulus Dwata? Yó dé lu yó kem tau lembeng ke tuha logihem koni, ne ni uu bud tmufì du.”

1 Kurin 10:9

Ne sotuhen, hol bê te abay tnilów yóm gónó tekuy mogot. Wen se bélê le tehe mò du ekni, ne gotu le matay lan ulal mékét kul.

Dwata 6:16

Hol béen abay wen bélê ye tô tmilów ke Dwata lómón yóm tehe nmò ye bè benwu Masa.