Mark 7:9 - Udél Dwata: Gna Kesfasad ne Lomi Kesfasad

⁹ Bud mon Jisas, “Tey ye hulung kembê du yóm hlau Dwata, alì mlom klolò ye du yóm kuy hlau lenbù nmò.

Mark 7:9 Iomraidhean Croise

Kem Lingón 119:126

Ni se yóm kdaw ktafakem kul, Dwata, abay se deng gotu nulé le yó kem hlauhem yó kem tau gel mò sidek.

Danyél 7:25

Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.

Mark 7:13

Okóm deng mom knogol ye yóm hol tahu hlau Dwata. Hlau lenbù nmò ye hlolò yó kem tau. Ne tey dê he dumu nmò ye lómón ni.”

Mark 7:3

(Abay se yó kem Farisi dalang se yó kem dumu Ju, là kô le kendel mken ke là na le nmò du yóm kul hlau yó kem tehe fù le bè kolob le tdok.

Mark 7:5

Duhen yó, wen snólók le bè Jisas yó kem Farisi dalang se yó kem gel tmolok hlau, mon le, “Moen de kul yó kem gel lemolò kóm ke là lolò le du yóm hlau yó kem tehe fù tekuy ekni bè khólós tekuy? Tódô le kendel gel mken là dog molob.”

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

2 Kurin 11:4

Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

Glasya 1:14

Bè kegenu lomi tau, là kô gsenged le dou yó kem dumuhu lemnok bè klolò me du yóm kum gel hentahu mi kem Ju. Tey megenek he dou klolò du yó kem tehe kul adat yó kem tehe fù me.

Glasya 2:21

Bede ke deng tedeng se kton Dwata du yóm tau bè kloloen yó kem hlau gnan, laen kô dù muhen yóm katay Krays. Okóm béléu dou, tey bong któbóng Dwata dou hlanen bè yóm katay Krays.

2 Tisalunika 2:4

Nim tau ni, gotu natuen kdéen dwata kéng kkólen bè yó kem dumu gel hentahu kem tau, ne angat hegetahen knóen senta le. Balù yóm Gónô Dwata, tódô husek elemen, ne tódô myón bè yó, ne tódô monen du kun Dwata.