Mark 7:7 - Udél Dwata: Gna Kesfasad ne Lomi Kesfasad

⁷ Laen dù muhen yóm ktaba le ebéléu, abay se yóm hlau tolok le, tódô lenbù nmò tau, okóm yóm ktolok le du, hol lómón ke dou hlau.’

Mark 7:7 Iomraidhean Croise

Malakay 3:14

“Yó sidek gel mon ye, ‘Laen dù muhen yóm lemolò ke Dwata. Tedu de bang guta tekuy du yóm gel kimón tekuy yó kem kun hlau tekuy? Tedu de bang guta tekuy du se yóm kehegfan tekuy du béléen yóm ksidek kegnóm tekuy du bè yóm kegsalà tekuy?

Matyu 15:9

Laen kô dù muhen yóm gel ktaba le ebéléu, abay se són hlau lenbù nmò tau yóm gel tolok le, okóm bè ktolok le du, hol lómón ke hlau lemwót béléu.’ ”

Matyu 6:7

Bè yóm kni ye, omin he ke alì sensulit ye udél ye lómón yóm kul gel nmò yó kem tau hemtahu bè yóm dwata kéng. Ofo kul ke yó gónón hmungol kul yóm kul dwata ke bè yóm ktahà kni le.

1 Kurin 15:14

Ne ke là deng hlowilen ke Krays, laen kô lemen yóm deng tolok me kuy, ne laen dù nefeten yóm kehtahu ye du.

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

Dwata 12:32

Hol gotu nmò ye yóm kdê deng hlauhu kuy ne béen abay wen tnù ye du ne béen abay wen se kó ye du.

Kulasi 2:22

Yóm kdéen yó, tódô lenbù hlolò tau, tódô lenbù tolok tau, laen kô gónó le e kól.

Taytus 3:9

Béi gel mung du kóm yóm skuya mon laen kô dù gónón e mefet, ne yóm kestutul le du yóm tehe fù le gónó le gu semfu. Béi mung lemen yóm sbot mon, ne yóm gel kesgés le bè yóm kun hlau Musis. Laen ofolem du myó, ne laen dù muhen.

Sulat Jim 1:26

Ke wen tau hemdem du deng tey bong kun kehtahu bè Dwata, okóm ke là gafasen du ksumóngen, laen dù muhen yóm tô kehtahuhen yó, olon tmondo knóen.

Sulat Jim 2:20

Nungeli. Kéng yóm kehtahuhen ke là gfanen bè yóm gel któbóngen kem dumuhen.

Deng Hegfan 22:18

Ou se Jan, wen hetgamahu kuy yu kem tau hmungol du yóm deng eles tulónen bè nim bok ni. Ke wen tau temnù du, angat tennù Dwata béléen yó kem hlayam deng snulat bè nim bok ni bè yóm angat ktafaken du.

1 Samwél 12:21

Bê ye abay bud semfulék tmaba ebè yó kem dwata kéng laen dù muhen. Là gbek le tmóbóng kuy ne là gbek le lemwà kuy abay se tahu laen dù mu le.