Mark 7:6 - Udél Dwata: Gna Kesfasad ne Lomi Kesfasad

⁶ Bnalà Jisas se lu, monen, “Yu se gónón e gbak yóm tehe udél Dwata htugoden ke Isaya ekni. Tey tau hemtedeng knô yóm yu, hol lómón yóm tehe monen, ‘Són bè sumóng gónó le madat do ni kem tau ni,’ mon Dwata, ‘okóm yóm nawa le, tey mayuk béléu.

Mark 7:6 Iomraidhean Croise

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Kun Snulat Jan 15:24

Ke là se deng nmou du lem blóng le yó kem hentaw ton là deng hnikót gel nmò kem tau du, là kô duón Dwata du kul yóm salà le yó. Okóm ni deng gotu ton le, deng mom knutó nawa le o lewu me Mà.

Kun Snulat Jan 5:42

Okóm tódô tngónu yóm nô lem hendem ye, là kô kenbong nawa ye ke Dwata.

Kul Nmò 28:25

Bè yóm kewót le bè yó, là ssotuhen kehedem le lemwót bè yóm sotu bud tulón Pol kul, yóm monen, “Bong tahu se yóm tehe udél yóm Tulus Dwata ebè yó kem tehe fù tekuy ekni, hlanen bè Isaya, yóm sotu tehe gna tugoden.

2 Timuti 3:5

Ya mo kmung le sbung bè simbahan du, okóm là kô le himón. Béi hegbool bélê le kóm.

Taytus 1:16

Ya mo kmon le du tngón le Dwata, okóm tódô dilóem bè yóm nmò le yóm là ktahuhen. Kem tau alì sidek nmò le, ne là hdon le. Là kô gbek le mò du yóm hyu.