Mark 7:4 - Udél Dwata: Gna Kesfasad ne Lomi Kesfasad

⁴ Ne yóm gel benli le bè fedyan, là kô kendel ken le du ke là na le nolob du. Ne tey dê he dumu gel lolò le. Balù bè tgayan le ne kuleng le ne tukung le, sana gónó le mò du yóm hlau yó, balù yó kem dumu ngom gu lem gónô.)

Mark 7:4 Iomraidhean Croise

Kem Lingón 26:6

Nolobu tdoku mò gónów hegfan yóm klaen dù salau. Mógówe lemibut yóm gónó me gel demsù ebéléem, Dwata,

Isaya 1:16

Hol ye molob dé anì mólós ye. Hol tenflok ye ne yóm sidek gel tonu bélê ye. Hol kó ye ne yóm sidek gel nmò ye

Jirimaya 35:5

Ominu hemyón lem blóng le yó kem basù ne yóm lebwón gónón nô tifas grép ne nbalu lu, monu, “Minum tekuy.”

Matyu 23:25

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Ke hningónu yóm kmò ye, lómón yóm tgayan ne yóm huyów olo ye molob tahen, là lemen. Igoen yóm nô lemen, tódô hono yóm deng gnaga ye lemwót bè yóm keseglom ye.

Matyu 23:26

Tey ye butô, yu kem Farisi. Na ye gna nolob lemen dé yóm tgayan anì baling mólós tahen snéen.

Matyu 27:24

Timbow ton Paylét yóm là kegbeken hewà ke Jisas, ne dilóen bè yó kem tey tau sbung bè yó wen tô sidek nmò le béléen ke là nmungen du yóm kul knóyô, yó gónón tódô ma él, ne noloben tdoken lem mata le, monen mò kul, “Laen dù dou du bè yóm khatay ye du nim tau ni. Tódô kuy nbô yóm kgamà litóen.”

Mark 7:8

Tahu se yóm udél Dwata yó,” mon Jisas, “deng mom kenbê ye yó kem hlau lemwót bè Dwata, ne mom lolò ye yó kem hlau lenbù nmò tau.”

Kun Snulat Jan 2:6

Wen kul gel lolò yó kem Ju bè khólós le, yó gónóm mon wen nem lebwón botu eles hyón le bè yó mò gónó le hemsù él mò gel olob yó kem tau. Ni kem lebwón ni, wen na lewu folò duhen ke tlu folò galun lem le.

Kun Snulat Jan 3:25

Wen bè yó kem tau gel lemolò ke Jan, skuya le mon bè yóm sotu dumu le Ju. Senkuya le yóm kul sana adat bè kmò khólós le.

Hibru 9:10

Bè yó kem gel hlolò le kul yó, olon gbak ebè yóm gel ken le ne yóm gel ninum le ne yóm gel kolob le mò gónó le baling mólós. Yóm kdê hlolò le kul yó, olo kem kul beyen nmò bè lówó. Són kwen mu le du, són yóm klaen deng lomi lan nmò Dwata mò lan le hloni ebéléen.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.