Mark 7:34 - Udél Dwata: Gna Kesfasad ne Lomi Kesfasad

³⁴ Ne lengalà ebè longit, ne hbongen knawahen, ne monen mò yóm tau yó bè kun udél, “Ephphatha.” Yó lanen, monen, “Mungoli.”

Mark 7:34 Iomraidhean Croise

Kehewà 2:23

Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata.

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Mark 1:41

Tey kkodu Jisas du yóm tau yó, tódô nan e nenok, monen, “Móyóe tmóbóng kóm. Hol mkó he yóm desem.”

Mark 15:34

Timbow deng sóól mosol kdaw, omin Jisas hgel udélen, monen bè kul udél, “Eloi, Eloi, lema sabachthani?” Yó lanen yóm udélen yó, monen, “Ó Dwata, Ó Dwata, moen du ke tódô bayaem ou?”

Mark 5:41

Kól bè yó, nogoten sigel yóm ngà, ne monen mò du bè kul udél, “Talitha koum.” Yó lanen, “Ó Bun, btiki ne.”

Mark 6:41

Omin Jisas ma yóm limu botù mambang ne yóm lewu tedek utón él, ne nan lengalà ebè longit, mni bè Dwata, ominen kembéng yóm mambang, ne oguhen yó kem gel lemolò du anì sagid le ebè yó kem tau. Senged se kmoen bè yóm lewu tedek utón él, nólólen bè yóm kdê le.

Mark 7:35

Tahu se, tódô kendel bud mungol yóm tau yó, ne bud gembaling yóm udélen.

Mark 8:12

Okóm hbong Jisas knawahen, monen, “Moen ni kem tau kmoen ni ke alì tógón le yóm hentaw ton? Tódô tulónu kuy ktahuhen, laen kô dù ilô hegfan Dwata bélê ye.”

Kun Snulat Luk 18:42

Mon Jisas mò du, “Mtoni sen. Bè yóm kehtahuhem béléu, yó se gónóm bud mton.”

Kun Snulat Luk 19:41

Ngang le Jisas mógów efet le móyón gdofì bè Jirusalim. Bè yóm ktonen yóm syudad bong yó, botong mosok lewoken,

Kun Snulat Luk 7:14

Omin Jisas mógów ebélê le, ne nnoken ta yóm gónó le semtihang du, ne tódô le se htengen mdà yó kem tau semtihang du. Mon Jisas mò yóm ngà logi deng matay yó, “Ó Man, btiki ne.”

Kun Snulat Jan 11:33

Tey kik Midi, botong gomong mkik béléen yó kem tau mung du. Bè yóm kton Jisas du, ya tey kegkoduhen kul, ne tey sidek kegnómen du,

Kun Snulat Jan 11:35

Ne mosok lewok Jisas.

Kun Snulat Jan 11:38

Timbow le lemwót bè yó, mógów le ebè yóm gónó le lembeng ke Lasarus. Ya tey sidek kegbeng lem Jisas se kun. Deng wen kilib nokol le bè but léhék ne bè yó gónó le lembeng du, ne wen botu seng le du yóm baken.

Kun Snulat Jan 11:41

Tahu se, kó le yóm botu seng bè bak lebeng. Omin Jisas temngel eta bè longit, ne monen, “Koduhem, Mà, yóm gel khungolem do.

Kun Snulat Jan 11:43

Timbow deng yóm kni Jisas yó koni, ominen tmaba, hgelen udélen, monen, “Ó Lasarus, hewai.”

Kun Snulat Jan 17:1

Timbow deng kudél Jisas, ominen temngel ebè longit, monen, “Ó Mà, deng dohò ne yóm kdaw tehe oluhem etahu. Hol dóyónem yóm kóm Ngà anì bud dóyónen se uu kun.

Kul Nmò 9:34

Mudél ebéléen Pitér, monen, “Ó Wè Aniyas, Jisas Krays fen hkó du béléem yóm desem. Btiki ne, ne hentifesem yóm gónóm hlilil.” Tahu se, tódô kendel hboluk btik Aniyas.

Kul Nmò 9:40

Na gotu hefewà Pitér lu yó kem libun yó. Ominen mtud bukolen, ne mni bè Dwata. Deng knihen, tódô beklil ebè yóm matay, monen mò du, “Ó Tabita, btiki ne.” Tahu se, tódô kendel henmungen mukat yóm libun yó. Bè yóm ktonen ke Pitér, ominen tódô hboluk myón.

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.