Mark 7:26 - Udél Dwata: Gna Kesfasad ne Lomi Kesfasad

²⁶ ne hkodu béléen anì hdóhen yóm busaw gel malak yóm ngaen. Nim libun ni, là Juhen, tau Funisya se kun, lemwót bè yóm sotu benwu boluyen Sirya.

Mark 7:26 Iomraidhean Croise

Isaya 49:12

Tey mayuk gónó le gu lemwót. Lemwót le gu fi debwak ne fi desdef ne lemwót le gu bè benwu Aswan yó kem dumu, benwu hol fi leged.

Matyu 15:22

Timbow le kól bè yó, wen sotu libun là Juhen lemwót bè yó mógów ebéléen, libun semfu gu bè tau Kanan. Tódô hgelen udélen tmaba ke Jisas, monen, “Ó Sér, sfu tehe Dabid, hol knoduhem ou. Wen yóm ngau libun lengel matahen, ne tey sidek kehlayamen du yóm gel malak du.”

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Mark 7:25

Bè yóm benwu yó, wen sotu libun wen ngaen libun wen busaw malak du. Ne unihen mungol yóm knô Jisas bè yó, tódô kendel mógów etu, tódô hegluduk klohok tihen,

Mark 7:27

Omin Jisas mudél ebéléen bede hningónen, monen, “Na te na gna henken yó kem ngà. Là hyuhen ke bot bè yó kem ohu yóm kul ken yó kem ngà.”

Glasya 3:28

Duhen yó, laen kô dù gónó ye stólóng kem tau hemtahu bè Krays, tau Ju duhen tau là Ju le, tau klifen duhen tau là klifenen, logi duhen libun. Tódô gotu senged yóm kdê ye lemwót bè yóm deng kessotu ye bè Krays Jisas.

Kulasi 3:11

Yó nefeten nim lomi klowil ni, laen dù bud gónón stólóng ne yóm tau Ju ne yóm tau là Juhen, yóm tau tnulì ne yóm tau là tnulien, yóm tau tólóng udélen, ne yóm tau laen dù tngónen, yóm tau klifen ne yóm tau là klifenen, abay se Krays yóm alì bong muhen bè kdéen, ne du se tendo nô bélê tekuy.