Mark 7:25 - Udél Dwata: Gna Kesfasad ne Lomi Kesfasad

²⁵ Bè yóm benwu yó, wen sotu libun wen ngaen libun wen busaw malak du. Ne unihen mungol yóm knô Jisas bè yó, tódô kendel mógów etu, tódô hegluduk klohok tihen,

Mark 7:25 Iomraidhean Croise

Matyu 15:22

Timbow le kól bè yó, wen sotu libun là Juhen lemwót bè yó mógów ebéléen, libun semfu gu bè tau Kanan. Tódô hgelen udélen tmaba ke Jisas, monen, “Ó Sér, sfu tehe Dabid, hol knoduhem ou. Wen yóm ngau libun lengel matahen, ne tey sidek kehlayamen du yóm gel malak du.”

Mark 1:40

Sotu kdaw bè yó, sut bè Jisas yóm sotu tau gemnóm des mifù. Tódô tuden bukolen bè soluhen, ne hkodu béléen, monen, “Ó Sér, ke yó dum móyói, kaem gbekem hkó du nim desu ni.”

Mark 5:33

Ne tódô tngón yó sem libun, ebéléen gónón e gbak yóm mon Jisas yó. Tódô setbol kkelen lemwót bè yóm tey klikoen, na a tódô mtud bukol bè solu Jisas. Gotu benkas tulónen du yóm ktahuhen.

Mark 7:24

Bud kewót Jisas bè yó, hlós ebè tum benwu moni bè yóm benwu boluyen Tayal. Yóm kkólen ditu, tódô husek bè yóm sotu gónô, kóyóen ke là tngón kem dumu tau du yóm knóen bè yó, okóm senged nóm ketngón le du yóm gónóhen nô yó.

Mark 7:26

ne hkodu béléen anì hdóhen yóm busaw gel malak yóm ngaen. Nim libun ni, là Juhen, tau Funisya se kun, lemwót bè yóm sotu benwu boluyen Sirya.

Kun Snulat Luk 17:16

Tódô na a hegluduk klohok ti Jisas, ne tey kdóyónen du. Nim tau ni, là Juhen, tau lemwót bè Samarya.