Mark 7:22 - Udél Dwata: Gna Kesfasad ne Lomi Kesfasad

²² ne mdà yehen, ne kesbì, ne yó kem dumu nmò sidek, ne smukat, ne yóm kekdol wen nô lemen, ne yó gel sélés nawa, ne yóm gel semtulón dumu tau, ne hegmón, ne yóm mò ungel.

Mark 7:22 Iomraidhean Croise

2 Tutul Israél 32:31

Okóm bè yóm kdaw kwen kem genlal lemwót bè Babilun na a hemtukul smólók yó kem hentaw ton deng ton le bè Juda, yó nmò Dwata, tódô bayaen Hisikaya anì bè yó gónón temngón du yóm hol nô bè nawa Hisikaya.

Kem Lingón 10:4

Lemwót bè yóm alì kehegmón le, là kô le móyô mebel ke Dwata. Yó hendem le, “Laen kô dù Dwata.”

Kem Lingón 119:36

Benlayem ou óyô mimón du yó kem hlauhem anì là kendengenu du yóm hnebelu.

Kem Udél Hlalak Tehe Selumun 12:23

Yóm tau hulung milô là kô saluen du ketngónen, okóm yóm tau book mom gfan bè kudélen yóm kbooken.

Kem Udél Hlalak Tehe Selumun 22:15

Sana kmoen se yóm ngà sal gel wen là kguliten, okóm bè kfes du mkó du béléen.

Kem Udél Hlalak Tehe Selumun 23:6

Béi mken bè yóm tau segfét, duhen ke hotuhem óyóem yóm ken alì tilob kayen béléem.

Kem Udél Hlalak Tehe Selumun 24:9

Yóm tau book tódô ket natulen sal gónó gemsalà ne kenlit kem dumu tau yóm tau gel semdekà.

Kem Udél Hlalak Tehe Selumun 27:22

Yóm tau book baluen ke ngangem moug du efet tô hatayen là kô gbekem mkó du béléen yóm kbooken.

Kem Udél Hlalak Tehe Selumun 28:22

Yóm tau seglom kóyóen ke géhél wen kendengenen ne là kô tngónen du ksuten béléen yóm kélélen.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Isaya 59:7

Tendo gel natul ye yóm sidek ne tey kódód ye géhél mò du. Tey mahil bélê ye hmatay yó kem tau laen dù sidek nmò le. Balù kihu gónó ye e solu, tey wen tau gel hensidek ye ne hnayam ye.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Matyu 20:15

Ilóem laen dù dou kwalis mò du yóm dou kóyô bè yóm dou filak? Nófô ye kô yóm kkoduhu yó kem tau huli mò nmò?’ ”

Matyu 6:23

Okóm ke là hyu yóm mata ye, hol lómón ke kmifu lem lówó ye. Hol ten-gama ye, déke laen dù layagen yóm lem lówó ye. Ke yó se kmoen, ya tey kget kifuhen.”

Mark 7:21

Abay se lemwót gu lem hendem tau yóm kdéen nmò sidek, lómón mò samuk, ne mnagaw, ne monok,

Mark 7:23

Nim kdéen sidek ni,” mon Jisas, “hono lemwót lem hendem tau, ne ni se mit du là mólós bè Dwata.”

2 Kurin 10:5

Dalang se yó kem tau hegmón hemkéng ke Dwata, gbek me malà kul anì laen dù gmò le. Bè yóm kbalà me kul yó, botong tenles le kehedem le, ne baling le tau mimón ke Krays.

Dwata 28:54

Balù yóm tau alì hulung kmodu kem dumuhen ni kmoen ni, lemwót bè yóm alì kbitilen bè yóm kdaw yó, balù udì ke wen bud koduhen yóm hol dumuhen setwoli, dalang se yóm yehenen alì kenbong nawahen ne yó kem ngaen dù mowil.

Dwata 28:56

Dalang se yóm libun boi alì hulung kmodu kem dumuhen ni kmoen ni, yóm libun là gelen mógów tmonok, bè yóm kdaw yó baling sidek kmoen se kun bè yóm yehenen deng kenbong nawahen, dalang se bè yóm ngaen logi ne bè yóm ngaen libun.

1 Pitér 2:15

Yó kóyô Dwata ke lemwót bè yóm kehyu kmò ye gónón laen dù bud udél le eta ye yó kem tau là hulungen hedem, yó kem tau tódô gemsanil kuy hkawang.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”