Mark 7:21 - Udél Dwata: Gna Kesfasad ne Lomi Kesfasad

²¹ Abay se lemwót gu lem hendem tau yóm kdéen nmò sidek, lómón mò samuk, ne mnagaw, ne monok,

Mark 7:21 Iomraidhean Croise

Tekang Kbuten 6:5

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le,

Tekang Kbuten 8:21

Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

Job 14:4

Tau du se gembek hólós yóm tau ke tehe là mólósen lemwót bè ksuten? Kaem laen duen.

Kem Lingón 119:36

Benlayem ou óyô mimón du yó kem hlauhem anì là kendengenu du yóm hnebelu.

Kem Lingón 14:1

Bè kul kehedem yó kem tau là hulungen hedem, gel henkéng le ke wen Dwata. Yó kem tau yó, hono sidek kehedem le, ne hono sidek yóm gel nmò le. Balù sotu bélê le ke mò du yóm tedeng.

Kem Lingón 14:3

Okóm deng le mom gotu hetlas, hono sidek nmò le. Laen kô dù tonen bélê le ke tedeng nmoen, balù sotu.

Kem Lingón 53:1

Yó mon nawa yó kem tau là hulung le hedem, “Laen kô dù Dwata.” Yó kem tau mon du yóm yó, hono kem tau mò sidek, nmò le yóm nmò alì kenyó. Laen dù bélê le mò du yóm tedeng, balù sotu.

Kem Lingón 53:3

Okóm là, deng knogol le Dwata yóm kdê le, tódô kdê le mò du yóm sidek. Laen dù bélê le mò du yóm hyu, balù sotu.

Kem Udél Hlalak Tehe Selumun 15:25

Dwata se gemlà du yóm kul gmónô yó kem tau hegmón, okóm sen-gyoken yóm kun tonok yóm libun bolu.

Kem Udél Hlalak Tehe Selumun 4:23

Hol ten-gamahem bè kdéen yóm kmò kógów kehedemem, yakà bè kóm kehedem du gónón lemwót yóm kóm kmò.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Isaya 59:7

Tendo gel natul ye yóm sidek ne tey kódód ye géhél mò du. Tey mahil bélê ye hmatay yó kem tau laen dù sidek nmò le. Balù kihu gónó ye e solu, tey wen tau gel hensidek ye ne hnayam ye.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Matyu 15:19

Kdê yó kem nmò sidek, hono lemwót bè kehedem tau, lómón yóm monok, ne mdà yehen, ne mò samuk, ne mnagaw, ne mò kéng, ne yóm tódô gel semtulón dumu tau.

Matyu 9:4

Tódô tngón Jisas yóm nô lem hendem le, yó gónón mon du mò kul, “Moen de ke sidek kmò kehedem ye ebéléu?

Mark 7:20

Bud mon Jisas, “Yó mit du là mólós bè Dwata yóm tau, yó kem sidek gel lemwót gu lem hendemen.

Mark 7:22

ne mdà yehen, ne kesbì, ne yó kem dumu nmò sidek, ne smukat, ne yóm kekdol wen nô lemen, ne yó gel sélés nawa, ne yóm gel semtulón dumu tau, ne hegmón, ne yóm mò ungel.

Kun Snulat Luk 16:15

Yó gónó Jisas mon du mò kul, “Tey dê nmò hegfan ye bè tau anì tedeng kton le kuy, okóm tódô tngón Dwata lem hendem ye. Yó kem alì mebtes bè kehedem tau, bè kton Dwata du, laen kô dù muhen.

Kul Nmò 5:4

Gu laan ye là deng hembalù yóm tonok ye,” mon Pitér, “laen kô dumu mfun du tek sónen yu. Ne bè yóm deng kehbalù ye du, tolo kuy se funen yóm blihen. Moem deng mom mò kéng du? Là kô bè tau du yóm gónóm mò kéng yó, okóm bè Dwata.”

Kul Nmò 8:22

Hegseli dé bè yóm tey sidek tô atulem ni,” mon Pitér, “ne holi mni bè Dwata anì hnifóten béléem yóm alì ksidek kehedemem yó.

Sulat Pol Ebè Yó Kem Tau Hemtahu Bè Rom 7:5

Yóm tehe kegen tekuy lemolò du yóm knóyô lówó tekuy, mom temnù yóm óyô tekuy mò du yóm sidek bè yóm deng ketngón tekuy yóm hlau, igò sem yó nefeten yóm nmò tekuy yó, hatay.

Sulat Pol Ebè Yó Kem Tau Hemtahu Bè Rom 7:8

Okóm lemwót bè yóm deng kegna knóen béléu yóm salà, ne tngónu monen bè yóm hlau là hyuhen yóm mófô, okóm deng mom lenwéen yóm óyóu mófô. Ke là wen yóm hlau, là kô tngónu du yóm ksideken yóm nmou yó.

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Sulat Jim 2:4

Ke lómón yó nmò ye, deng knihu ye kem dumu ye ne. Ilóem kmon ye bong muhen bè Dwata yóm tau wen kendengenen senta yóm tau élél. Deng salà ne kehedem ye bè kem dumu ye ke yó se nmò ye.