Mark 7:2 - Udél Dwata: Gna Kesfasad ne Lomi Kesfasad

² Wen ton le bè yó kem dumu tau gel lemolò ke Jisas yóm tódô kken le, là na le molob tdok le, duhen yóm là klolò le du yóm sotu hlau deng nmò yó kem Farisi bè kolob le tdok gu laan le là deng mken.

Mark 7:2 Iomraidhean Croise

Matyu 15:2

“Moen de kul yó kem gel lemolò kóm ke là lolò le du yó kem hlau yó kem tehe fù tekuy ekni? Là dog le na molob tdok gu laan le là deng mken.”

Mark 7:5

Duhen yó, wen snólók le bè Jisas yó kem Farisi dalang se yó kem gel tmolok hlau, mon le, “Moen de kul yó kem gel lemolò kóm ke là lolò le du yóm hlau yó kem tehe fù tekuy ekni bè khólós tekuy? Tódô le kendel gel mken là dog molob.”

Kun Snulat Luk 11:38

Ya tey ketngahen ke Jisas nim Farisi ni yóm là dog kloloen du yóm kul adat bè kolob tdok gu laan le là deng mken.

Kul Nmò 10:28

Ne mon Pitér mò kul, monen, “Deng hónô tngón ye se kuy, là hyuhen bè kum hlau kem Ju ke mauy me duhen ke slomong me bè yó kem tau là Ju le. Okóm deng hetngón Dwata dou là hyuhen ke tô kenhisiku yó kem dumu tau, ke tô monu là mólós le.

Kul Nmò 11:8

Okóm mom yó balau du, monu, ‘Bée. Bè klawihu tau, là kô deng glemegu du ni kem ni, abay se là mólósen bè kum hlau.’

Sulat Pol Ebè Yó Kem Tau Hemtahu Bè Rom 14:14

Lemwót bè yóm deng kegfihu bè Jisas hol gónóhu temngón du laen dù mtukul ken sidek bè Dwata. Són yó dé gónón sidek, són bè kehedem tau du.

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

Deng Hegfan 21:27

Okóm là kóen gusek bè yó yóm là mólósen, duhen yóm tau gel mò yóm gónón hemyak knô, ne yóm tau gel mò kéng. Són olo gusek, són yó kem tau deng gsulat boluy le bè yóm bok lowil, duhen yóm kun bok yóm Ngà Ubiha.