Mark 7:19 - Udél Dwata: Gna Kesfasad ne Lomi Kesfasad

¹⁹ Abay se balù kihu sungit yóm tau, là kóen hlós elem hendemen, sal hlós elem blututen, ne ominen yó bud gel lemwà gu lem lówóhen.” (Bè nim udél Jisas ni gónó tekuy temngón du laen kô dù ken sidek bélê tekuy.)

Mark 7:19 Iomraidhean Croise

Matyu 15:17

Là tngón ye du kô balù kihu sungit yóm tau, tódô hlós elem blututen, ominen yó bud gel lemwà gu lem lówóhen.

Mark 7:18

Mon Jisas, “Laen dù tngón ye se kuy senta yó kem dumu tau. Ilóem là tngón ye du kô balù kihu sungit yóm tau, là kô yó du mit du là mólós bè Dwata?

Kun Snulat Luk 11:41

Yó dé hyu, olò bnasa ye lu tu kem élél mò balà yóm hyu gel hton ye ta.

Kul Nmò 10:15

Bud monen se mò du yóm mudél ebéléen yó koni, “Béem fen tô mon là mólósen yóm deng mon Dwata hyu mken du.”

Kul Nmò 11:9

Bud monen se mò do yóm mudél gu bè longit yó koni, monen, ‘Béem fen tô mon là mólósen yóm deng mon Dwata hyu mken du.’

1 Kurin 6:13

Ne wen se gel mon du, monen, “Yó se mu yóm blutut tau mò gónón e tódô ken. Ne yó mu yóm ken mò sù lem blutut.” Ya mo ktahuhen du yóm monen yó, okóm angat nmò Dwata sónen yóm blutut ne yóm ken. Yóm lówó tekuy, là yó du muhen ke gónó tekuy mò samuk. Okóm yó dé muhen mò fen mò nmò bè yóm gónó tekuy mogot. Ne du se fen hol semgyok du yóm lówó tekuy.

Kulasi 2:16

Duhen yó, hol bê ye abay hnungol ke dê hlii le kuy bè ken ne bè ninum, ne ke dê hlolò le kuy bè yó kem dumu kdaw, ne bè ksut yóm lomi bulón, ne bè yóm Kdaw Kehegnô.