Mark 7:13 - Udél Dwata: Gna Kesfasad ne Lomi Kesfasad

¹³ Okóm deng mom knogol ye yóm hol tahu hlau Dwata. Hlau lenbù nmò ye hlolò yó kem tau. Ne tey dê he dumu nmò ye lómón ni.”

Mark 7:13 Iomraidhean Croise

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Isikél 18:14

Okóm mò kmoen se kun yóm logi yó ke bud wen ngaen logi. Gotu tonen yóm kdéen sidek gel nmò maen, okóm là kô loloen du.

Matyu 15:6

Bè yóm ktolok ye yó, là kóen sidek ke là bud nadat te kem tuha tekuy. Ni se gónón gfan yóm klaen dù mu ye du yóm hlau Dwata. Són lolò ye yóm kuy hlau lenbù nmò.

Mark 7:12

Bè yóm ktolok ye yó, là kóen sidek ke là bud tnóbóng tekuy kem tuha tekuy.

Mark 7:14

Ne bud senbung Jisas ebéléen yó kem tey tau wen, ne monen mò kul, “Hol hnungol ye nim monu ni, yóm kdê ye, anì tngón ye.

Mark 7:3

(Abay se yó kem Farisi dalang se yó kem dumu Ju, là kô le kendel mken ke là na le nmò du yóm kul hlau yó kem tehe fù le bè kolob le tdok.

Mark 7:5

Duhen yó, wen snólók le bè Jisas yó kem Farisi dalang se yó kem gel tmolok hlau, mon le, “Moen de kul yó kem gel lemolò kóm ke là lolò le du yóm hlau yó kem tehe fù tekuy ekni bè khólós tekuy? Tódô le kendel gel mken là dog molob.”

Mark 7:9

Bud mon Jisas, “Tey ye hulung kembê du yóm hlau Dwata, alì mlom klolò ye du yóm kuy hlau lenbù nmò.

Glasya 1:14

Bè kegenu lomi tau, là kô gsenged le dou yó kem dumuhu lemnok bè klolò me du yóm kum gel hentahu mi kem Ju. Tey megenek he dou klolò du yó kem tehe kul adat yó kem tehe fù me.

Glasya 5:21

Yó mò kul, gel le mófô. Ne tey gel kehlengel le, segdófón honohen lu. Bong dê he dumuhen gel nmò le lómón ni kem ni. Bud nulitu bélê ye yóm deng tehe eles tulónu kuy. Yó kem tau gel mò du ni kem ni, là kô le na a gmung bè yóm tau nogot Dwata.

Taytus 1:14

ne anì là bud glolò le du yó kem tutul gel lenbù nmò yó kem Ju, duhen ke yó kem hlau gel nmò yó kem tau deng knogol le yóm ktahuhen.