Mark 6:9 - Udél Dwata: Gna Kesfasad ne Lomi Kesfasad

⁹ Olo ye lemsek snilas ye, ne olon sotu kgal lesek ye, bê ye abay mit mò gewuhen.

Mark 6:9 Iomraidhean Croise

Matyu 10:10

Bê ye se abay mit bag, ne olon sotu kgal lesek ye, bê ye abay mit mò gewuhen. Bê ye mit tlumfà, duhen ke tuged. Abay se knóón bè yó kem tau mò nmò ke tódô benlay yó kem tau gónó le mò nmò ke wen gónó le élél.

Matyu 3:11

“Béléu do,” mon Jan, “él gel babtaysu kuy mò ilô yóm deng kehegsel ye. Okóm yóm huli do, yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul. Yóm tau huli do yó, tey mfasang sentahu. Là kóe knóón baluen ke heseke béléen.

Mark 6:10

Yó se gónô gónón wen hmódó kuy, yó se gónó ye mefet efet kól bè kulék ye.

Mark 6:8

Ne wen hlauhen kul, monen, “Bè nim kógów ye ni, olo ye mit tuged, béen abay wen dumu nwit ye. Bê ye abay mit bnotu, duhen ke bag, duhen ke filak.

Kul Nmò 12:8

Monen mò du yóm hógów Dwata, “Hgetem hiletem, ne lesekem tlumfaem.” Ne tahu se, nimón Pitér. Bud mon yóm hógów Dwata, “Legmoti, mungi do.”

Ifisus 6:15

Yó henged tlumfà tekuy, duhen yóm tendo gel ktulón tekuy yóm Tulón Hyu gónó tau mit sefyu ebè Dwata.