Mark 6:2 - Udél Dwata: Gna Kesfasad ne Lomi Kesfasad

² Timbow deng bud kól bè yóm Kdaw Kehegnô, yó nmò Jisas tmolok bè yóm kul gónô gel stifun yó kem Ju bè yó. Tey tau wen stifun hmungol du, ne tey ketnga le, mon le, “Gónón ma du yóm alì khulungen tmolok nim tau ni? Ne gónón lemwót yóm tey ketngónen? Tedum mò kmoen du yó kem hentaw ton gel nmoen?

Mark 6:2 Iomraidhean Croise

Matyu 4:23

Kewót Jisas bè yó, tódô lenngeben prubinsya Galili. Yó nmoen, gel tmolok bè yó kem kul gónó le gel stifun yó kem Ju. Hetngónen kul yóm Tulón Hyu gbak ebè kun kogot tau Dwata, lelen gel hkó des yó kem tau, balù kihu kay des le.

Matyu 7:28

Yóm deng ktulón Jisas du kdê ni kem ni, tey kehtaw le du yó kem tau sbung,

Mark 1:39

Tahu se, tódô lenngeben klamang prubinsya Galili gónón e tmolok bè yó kem gónó le gel stifun yó kem Ju, lelen hdó yó kem busaw bè yó kem tau nalak le.

Mark 10:1

Bud lemwót Jisas bè yó, mlan elem yóm prubinsya Judiya, ne mifal yóm él Jurdan. Timbow kól fi fatu, ya tey tau tendo sbung ebéléen, ne gel tmolok bélê le snéen, lómón se yóm gel nmoen.

Kun Snulat Luk 2:47

Tey ketnga le du yó kem hmungol du bè yóm khulungen malà kul.

Kun Snulat Luk 4:15

Gel tmolok bè yó kem gónó le gel stfun yó kem Ju, ne tey kdóyón le du yóm kdê le.

Kun Snulat Jan 6:42

Yó mon le, “Igoen ngà Jusif nim Jisas ni. Tngón tekuy maen ne yéen. Moen ke tô monen lemwót gu bè longit?”

Kun Snulat Jan 7:15

Bè yóm ktoloken bè yó, tey ketnga yó kem Ju wen glalen, mon le, “Moen ke alì temngón nim tau ni? Là sem dengen mnagì.”