Mark 6:12 - Udél Dwata: Gna Kesfasad ne Lomi Kesfasad

¹² Tahu se. Kewót le bè yó na le e tmolok. Yó gel mon le, “Hegsel ye ne, knogol ye yóm sidek deng gel nmò ye.”

Mark 6:12 Iomraidhean Croise

Isikél 18:30

Bud ni se udél yóm Dwata hol dandónen geta, monen, “Duhen ni, kem tau Israél, angat knukumu yu ket kuy na sotu lemwót bè yó kem deng nmò ye. Knogol ye ne yó kem sidek gel nmò ye anì là gwiten kuy lem hatay.

Matyu 11:1

Timbow deng kehlau Jisas yó kem sfolò lewu gel lemolò du yó koni, ominen lemwót na a tmolok bè yó kem dumu benwu hmilol bè yó.

Matyu 11:20

Omin Jisas mudél kul yó kem tau bè yó kem benwu tehe gónóhen gel mò du yó kem dê hentaw ton gel nmoen, abay se là kô le hegsel, ne là kô knogol le du yó kem sidek gel nmò le.

Matyu 3:2

“Hegsel ye ne, knogol ye ne yó kem sidek gel nmò ye, yakà móyónen hto ne yóm buteng Dwata mogot tau.”

Matyu 3:8

Ke deng knogol ye yó kem sidek gel nmò ye, hol hdilô ye bè kmò ye dé.

Matyu 4:17

Nbuten bè yó ne, tmolok Jisas. Yó gel monen, “Hegsel ye ne, knogol ye yó kem sidek gel nmò ye, yakà móyónen hto ne yóm buteng Dwata mogot tau.”

Matyu 9:13

Hol hennagì ye dé lanen yóm sotu monen bè Sulat Dwata, ‘Keskodu dé yóm hol nóyóu bélê ye,’ mon Dwata, ‘là kô dsù du.’ Duhen ni se yóm nógówu edini ni,” mon Jisas, “là kô tnabahu kul yó du kem tau tedeng kmò le. Okóm yó tnabahu, yó kem tau gemsalà.”

Mark 1:15

Yó gel tulónen, monen, “Ni se deng bang kgefeten yóm kuy kdaw. Móyónen hto ne yóm buteng Dwata mogot tau. Hegsel ye ne, knogol ye lu ne yó kem sidek gel nmò ye, ne hol hentahu ye yóm Tulón Hyu lemwót bè Dwata.”

Mark 1:3

Angat tmaba gu bè tum benwu laen dù tau menwu du, yó utóm tabahen, monen, ‘Eles hen-gifat ye yóm gónón angat mlan yóm gónó tekuy mogot. Eles hentedeng ye yóm lan mò angat loloen.’”

Kun Snulat Luk 11:32

Bè yóm kdaw angat kkukum Dwata tau,” mon Jisas, “angat le sbung mdà bè yó se kul yó kem tau là Ju le tehe lemwót bè Ninibi, ne angat nsel le yu. Anam yó ne kul, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô knogol le yóm sidek gel nmò le. Deng wen yóm mkay senta Juna deng kól lem blóng ye bè ni, okóm deng mom henda ye.”

Kun Snulat Luk 13:3

Là yó du. Bede yó tódô tulónu kuy, ke là eles ye hegsel, ne ke là knogol ye du yó kem sidek gel nmò ye, angat ye matay mekto snéen kuy.

Kun Snulat Luk 13:5

Là yó du. Bede yó tódô tulónu kuy, ke là eles ye hegsel, ne ke là knogol ye du yó kem sidek gel nmò ye, angat ye matay mekto snéen kuy.”

Kun Snulat Luk 15:10

Tódô tulónu kuy,” mon Jisas, “hol lómón yó se kehligal yó kem hógów Dwata nô bè longit ke hegsel yóm sotu tau gemsalà.”

Kun Snulat Luk 15:7

Tódô tulónu kuy,” mon Jisas, “hol lómón yó se yóm kehligal le bè longit ke ton le kehegsel yóm sotu tau gemsalà. Bong kligal le béléen senta yó kem syóm folò syóm tau là tabag le, deng tedeng kmò le.”

Kun Snulat Luk 24:47

Lemwót bè kun boluy, wen lan Dwata hmifót salà yó kem tau deng hegsel.’ Ni se,” monen, “yóm tulón angat hlós sensból ye bè klamangen benwu. Bè ni bè Jirusalim gónó ye mbut hból du.

Kun Snulat Luk 9:6

Tahu se, lemwót le yó kem gel lemolò ke Jisas, ne tódô ket le tu kem benwu tmulón du bè kem tau yóm Tulón Hyu lemwót bè Dwata, ne hlós lan le gel hkó des snéen.

Kul Nmò 11:18

Timbow deng gotu gungol le yóm tulón Pitér yó koni, tódô laen kô dù bud sfuhen yóm kudél le du. Deng mom baling dóyón le Dwata, mon le, “Tahu se, deng homong Dwata lu se kul yó kem tau là Ju le anì hegsel le, ne anì guta le yóm klowil laen dù sónen.”

Kul Nmò 2:38

Mon Pitér se mò kul, monen, “Yake hol kleng ye du te bótóng ne yó kem sidek deng gel nmò ye. Hbabtays ye hlan ye bè boluy Jisas Krays anì hnifót Dwata yó kem salà ye. Ke yó se nmò ye, wen blay Dwata kuy, duhen yóm Tulusen.

Kul Nmò 20:21

Yó gel monu mò yó kem Ju dalang se yó kem tau là Ju le, monu, ‘Hol ye hegsel ne knogol ye ne yó kem sidek gel nmò ye, beklil ye ebè Dwata ne, ne hemtahu ye bè Jisas, yóm hol gónó mogot.’

Kul Nmò 26:20

Bè syudad Damaskus yóm hol tanay benwu gónóhu tmolok, ominu bud tmolok bè Jirusalim, efet lenngebu klamangen benwu yó kem tau Israél, ngangen ne efete tmolok lem blóng yó kem tau là Ju le. Yó gel monu bè yóm ktoloku, ‘Hegsel ye ne, ne nimón ye Dwata. Hdilô ye bè kmò ye yóm deng kehegsel ye.’

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,