Mark 5:23 - Udél Dwata: Gna Kesfasad ne Lomi Kesfasad

²³ ya tey kehkoduhen béléen, monen, “Ó Sér, tey leed desen yóm ngau libun. Holi mung dou bè gónóu nam e nnok dou anì tódô mkó tum desen, ne anì bud mowil.”

Mark 5:23 Iomraidhean Croise

2 Bok Kem Tau Hol Geta 5:11

Okóm mom lembut Naaman, tódô lemwót, monen, “Ofo do ke hewà ebéléu, ne mni béléu bè yóm Dwatahen, ne ke diwelen sigelen eta yóm desu anì mkó yóm des mifuu.

Kem Lingón 107:19

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Matyu 8:3

Tahu se, na e nenok Jisas yóm tau yó, monen, “Móyóe tmóbóng kóm. Mkó ne desem.” Ne tahu se, tódô sen-gengen se mkó béléen yóm des mifù yóm tau yó.

Mark 16:18

Ke gkem le yó kem ulal, duhen ke ginum le yóm ninum gónó matay, là kô le na a matay du. Ne ke nnok le lówó yó kem tau wen des le, tódô mkó yóm des le.”

Mark 5:24

Ne tahu se, mung du Jisas, ne lel yó kem tey tau wen tendo seklot hmilol du.

Mark 6:13

Ne tey dê busaw hdó le gu bè yó kem tau. Ne lenunol le hnolo yó kem tau gemnóm des, ne gotu mkó se yó kem des le.

Mark 7:32

Bè yóm kkólen bè yó, wen sotu tau bokong lelen umew nit le ebè Jisas. Henkodu le béléen anì nnoken nim tau ni.

Mark 8:23

Tahu se. Omin Jisas malak yóm tau butô yó, niten hlayuk udì bè yóm benwu yó. Ne namuen iwol mata yóm tau butô, ne nnoken, ne monen mò du, “Deng wen tonem kô?”

Kun Snulat Luk 13:13

Omin Jisas menok du yóm libun yó, ne tódô henmungen se btol yóm kwangen, ne ya tey kdóyónen ke Dwata.

Kun Snulat Luk 4:38

Tikóng hewà Jisas gu lem yóm gónó le stifun yó kem Ju, hlós le ebè gónô Simun. Ne tódô glohen yóm tuón Simun libun gemnóm des kinì là lembó, ne tulón le ke Jisas yóm desen.

Kun Snulat Luk 4:40

Tikóng deng sdef kdaw, tey wen tau gemnóm dê kay des nit le ebè Jisas. Gel nnok Jisas lu ket kul ne sotu, ne tódô gotu kóhen se yó kem des le.

Kun Snulat Luk 7:12

Timbow le deng moni bè bak sut yóm benwu yó, tódô geslong le yó kem tau semtihang matay. Yóm tau matay yó, tek són du ngà logi yóm libun bolu. Tey dê tau mung ke yéen na a tô lembeng du.

Kun Snulat Jan 11:3

Lemwót le Midi, tminok le ebè Jisas, mon le, “Ó Sér, yóm weem dumum sogot nawa, wen desen.”

Kul Nmò 28:8

Bede yóm mà Publiyus, wen desen, kinì ne mkê litô. Glok Pol na a mógów ebéléen, ne mni béléen bè Dwata, ne nenoken. Tódô mkó se yóm desen.

Kul Nmò 6:6

Yó nmò yó kem tau mélék kul, gotu nwit le lu ebè yó kem hógów Jisas. Ne lemwót yó kem hógów Jisas, gotu nenok le lu, ne mni le bélê le bè Dwata.

Kul Nmò 8:17

Omin le Pitér semket mnok yó kem tau deng hemtahu bè Jisas, ne tódô blay Dwata kul se yóm Tulusen.

Kul Nmò 9:12

Deng eles htonu du ne yóm angat kógówem ebéléen, yóm nam e knok du anì bud mton. Ne deng eles hetngónu du se boluyem.”

Kul Nmò 9:17

Tahu se, lemwót Ananiyas, mógów ebè yóm gónô gónóhen nô Sol, ominen husek. Tonen se Sol, ne nenoken, monen, “Ó Woli Sol, hógówen ou edini yóm gónó te mogot Jisas, yóm Jisas deng hegfan béléem bè lan bè yóm kógówem edini. Hógówen ou anì budi mton, ne anì suen béléem yóm Tulus Dwata.”