Mark 5:15 - Udél Dwata: Gna Kesfasad ne Lomi Kesfasad

¹⁵ Timbow le gdofì bè Jisas, tódô ton le se yóm tau tehe genged busaw malak du myón klohok Jisas. Deng bud lemsek nes, ne deng bud hyu kehedemen. Ya tey sidek klikò le yó kem tau sguku ebè yó yó.

Mark 5:15 Iomraidhean Croise

Kulasi 1:13

Deng lenwà Dwata tu gu lem yóm deng nogot Seitan, ne deng nilihen tu elem yóm kun nogot yóm Ngaen hol gónóhen nô nawahen.

2 Timuti 1:7

Là kô yó du gónó Dwata bemlay du bélê te yóm Tulusen ke nit te likò. Okóm mò fen gel temgel kut, ne anì nô bélê te yóm kesbong nawa, ne anì wen kegbek te mafas nawa.

Kun Snulat Luk 8:27

Yóm kduung le bè yó, omin Jisas kmó ebè kilil. Ne wen sotu tau nalak busaw lemebet du lemwót bè yóm benwu yó. Deng tey legen ne là bud keseken nes nim tau ni, ne là se gel nô bè gónô. Són bè yó kem kilib gónó le gel lembeng gónóhen gel nô.

Mark 5:9

Ne snólók Jisas yóm busaw, monen, “Tedu de boluyem?” Bnalaen se, monen, “Yó dou boluy ‘Genged’ abay se tey me wen.”

Kun Snulat Luk 10:39

Ne wen se twolihen boluyen Midi. Lemwót ke Midi kun, fen myón klohok ti Jisas, hnungolen yóm toloken.

1 Samwél 16:4

Tahu se, nimón Samwél yóm hlolò Dwata du yó. Bè yóm kkólen bè Bitlihim, senlong yó kem tmuha malak bè yó bede tey sidek klikò le. Snólók le, “Laen dù sidek du kô yóm kógówem ni?”

Kem Lingón 14:5

Okóm yó kem tau yó, angat wen kdawen sut bélê le yóm alì sidek klikò le, abay se yóm Dwata, sónmoen gel nô bè yó kem tau mimón du.

1 Tutul Israél 15:13

Lemwót bè yóm là kwit kem sfu Libay du yóm Slungan Dwata bè yóm tanay tô kangay me du, yó gónóhen alì lembut tekuy yóm sana kut Dwata hol gónó mogot. Yakem deng tehe eles snólók tekuy kmò kwit du.”

Mark 5:18

Bè yóm kotunen elem ówóng, tey kehkoduhen bè Jisas yóm tau tehe wen busaw malak du anì tô mung kul.

Mark 5:16

Yó kem tau mton du yóm deng nmò Jisas bè yóm tau tehe wen busaw malak du yó, bud lu se fen alì tmulón du bè yó kem dumu tau. Ne tulón le snéen yóm kmò kton le yó kem sdô.

Mark 5:4

Deng dê dulék le ne kemdina sigelen ne tihen, ewenem tódô gotu bkas yóm kedina le du. Laen kô dù tau gembek mafas du.

Matyu 12:29

Yóm kul ogot yó kem tulus seitan,” mon Jisas, “hol lómón yóm tau kemgis. Laen kô dù tau gusek elem gónóen na a ma yó kem kimuhen ke là nan gna nfét du yóm tau kemgis yó. Ke deng gféten, yó he kegwahen yó kem nóyóen lem gónóen. Hol lómón yó se yóm deng nmou bè Seitan.

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Matyu 9:33

Timbow hdó Jisas yóm tulus seitan nô béléen, tódô bud gudél se yóm tau yó. Tey ketnga le du yó kem tau sbung bè yó, mon le, “Là kô deng wen ton tekuy bè klamangen Israél deng mò du yóm kun nmò nim tau ni.”

1 Tutul Israél 13:12

Bè yóm kdaw yó, tey sidek klikò Dabid ke Dwata, mon nawahen, “Tedu kmò kwitu du yóm Slungan Dwata anì ou fen semgifà du?”

Matyu 26:53

Ilóem là tngónem du kô yóm kegbeku mni tóbóng bè Mà, ne tódô kendel hógówen balù hilu libu yó kem gel hógówen gu bè longit mò tmóbóng do.

Mark 5:14

Kewót le se kul yó kem tau gel semgyok yó kem sdô, tódô le gotu lemwót mlóy ebè yóm benwu moni bè yó ne ebè yó kem dumu tau gmónô hmilol na le e tulón kul yóm deng ton le. Mung kungol le du, tódô le sguku etu na le e hnénég yó kem deng tulón le kul.