Mark 5:12 - Udél Dwata: Gna Kesfasad ne Lomi Kesfasad

¹² Yó henkodu le bè Jisas yó kem busaw, mon le, “Yake bè yó dé kem sdô tuu gónóm e hfusek kum.”

Mark 5:12 Iomraidhean Croise

Job 2:5

Okóm ni ke hensidekem lówó Job, ngem kà angat tey sidek kehmulaen kóm.”

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Matyu 7:6

Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”

Mark 5:11

Bè yóm kdaw yó, kulel se keswól le talak bilil yó kem tey sdô wen, uma kóm geblà klayuken bélê le.

Mark 5:13

Tahu se, hlus Jisas lu. Ne tódô tebel yó kem busaw yóm tau yó koni, ne husek le ebè tu kem sdô. Kewót le se kul yó kem tey sdô wen, dô limu libu kwen le, gotu le sedlu mlóy mosol ebè tubaw kbu yóm lanaw, ne gotu le gekmó elemen, ne tódô le gotu lemneb yóm kdê le.

2 Kurin 2:11

Tódô hnifót tekuy ne anì laen dù gmoen bélê tekuy Seitan, abay se tngón tekuy yóm tey kun khulung gel mò atul.

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.