Mark 5:10 - Udél Dwata: Gna Kesfasad ne Lomi Kesfasad

¹⁰ Tódô henlelen hkodu bè Jisas anì là hdóhen kul bè yóm benwu yó.

Mark 5:10 Iomraidhean Croise

Mark 3:22

Wen se bè yó kem tau tmolok hlau lemwót bè Jirusalim nô bè yó. Yó udél le ebè Jisas, mon le, “Nalak Seitan, yóm kul ogot yó kem busaw. Yó gónón gembek hdó yó kem busaw.”

Mark 5:11

Bè yóm kdaw yó, kulel se keswól le talak bilil yó kem tey sdô wen, uma kóm geblà klayuken bélê le.

Mark 5:13

Tahu se, hlus Jisas lu. Ne tódô tebel yó kem busaw yóm tau yó koni, ne husek le ebè tu kem sdô. Kewót le se kul yó kem tey sdô wen, dô limu libu kwen le, gotu le sedlu mlóy mosol ebè tubaw kbu yóm lanaw, ne gotu le gekmó elemen, ne tódô le gotu lemneb yóm kdê le.

Mark 5:9

Ne snólók Jisas yóm busaw, monen, “Tedu de boluyem?” Bnalaen se, monen, “Yó dou boluy ‘Genged’ abay se tey me wen.”