Mark 4:6 - Udél Dwata: Gna Kesfasad ne Lomi Kesfasad

⁶ Timbow sut kdaw bè yóm deng ktowoken, tódô kendel menes, abay se là holen ngelem dolilen.

Mark 4:6 Iomraidhean Croise

Isaya 25:4

Yó kem tau élél ne yó kem tau laen dù genbeken deng le gotu mlo ebéléem ne laen kô hemen le bè yóm gel kesbeweg benwu le. Uu se gónó le heklung bè yóm lenos bong ne bud uu se gónó le e hgolung bè yóm tey sidek ékét kdaw. Yó kem tau alì hemsidek kum hol lómón ke lu yóm lenos bong

Juna 4:8

Timbow deng malù tahà kdaw, hyuf Dwata gu fi dmata kdaw yóm tey lenos kinì eta Juna, botong kfuteng bà mon tey ékét kdaw mnóng etahen. Hol kóyô Juna ke matay. Yó monen, “Mom hyu nawaw tódô kem matay ne.”

Matyu 13:6

Okóm timbow sut kdaw bè yóm deng ktowoken, tódô kendel menes, abay se monem là holen ngelem dolilen.

Mark 4:5

Wen se sohulen gdek elem yóm tonok bnotu yóm gónón laen hol tonoken. Là kóen legen deng sana tmowok, abay se là mfól tonoken.

Mark 4:7

Ne bud wen se sohulen gdek e talak yóm gónón angat mfól kluon semnual. Ne tmowok, tódô mung senok bè yó kem kluon semnual, okóm deng mom limes yóm towok halay lem blóng le, ne là kóen dog mungu.

Ifisus 3:17

Ne sotu hnihu anì hol tendo nô bélê ye Krays lemwót bè yóm ksalig ye béléen. Bud hnihu snéen anì hol mbegel kdolilen yóm ketngón ye du yóm tey kbong nawa Dwata,

Kulasi 2:7

Henlel ye dé hdolil béléen, bê ye abay skó du anì baling mbegel yóm kehtahu ye lómón yóm tehe tolok le kuy. Ne tódô senflós ye dmóyón ke Dwata.

2 Tisalunika 2:10

Tódô ket du yóm nmoen mò gónón gemsukat yó kem tau angat hlós elem hatay. Yó gónó le angat hlós elem hatay, abay se deng tehe kenbê le yóm hol ktahuhen mò gónó le gewà.

Sulat Jim 1:11

Ke mékét etahen nóng kdaw, deng sana menes, ne tódô tbó bulóken, là bud tonem du ne ktiloben. Lómón se yó ne kmò yó kem tau wen kendengen le, kendel le matay igò le tolo tô mebel mò tnuen yóm kendengen le.

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

Deng Hegfan 7:16

Là kô bud wen kbitil le duhen ke wen kleeng le. Ne là se kô bud gnóm le du yóm sidek ékét kdaw.