Mark 4:41 - Udél Dwata: Gna Kesfasad ne Lomi Kesfasad

⁴¹ Ya tey sidek klikò le, stulón le, mon le, “Tmau du mni? Balù lenos ne lewók, sana kimón le du.”

Mark 4:41 Iomraidhean Croise

Job 38:11

Yó tehe udélu ebè yóm mohin yó, monu, ‘Olon bè ni ne gónóm són. Olon bè ni gónón són yóm tey lewókem.’

Kem Lingón 89:7

Balù yó kem deng genlalem bè yó, gotu wen klikò le kóm. Tey kadat le kóm yóm kdê le.

Malakay 2:5

“Yó lemen yóm tehe senfasad me yó kem sfu Libay, duhen yóm kwen klowil le ne kenek nawa le ne ni se yóm deng tehe blayu kul. Ne yó tehe hendónu bélê le ke nadat le ou. Ne tahu se, tey tehe kadat le dou ne wen klikò le yóm dou boluy.

Matyu 14:32

Ne omin le motun elem yóm ówóng, ne tódô teflok se yóm lenos.

Matyu 8:27

Tey ketnga yó kem tau gel lemolò du, mon le, “Tau du de ni? Balù yóm lenos ne yóm lewók, botong nimón le.”

Mark 4:40

Mung kudél Jisas ebè yó kem gel lemolò du, monen, “Mò ye kat alì likò ni du? Laen deng kehtahu ye he kô?”

Mark 5:1

Ngang le mówóng le Jisas efet le kól sendifal yóm Lanaw Galili bè benwu yó kem tau Girasin.

Mark 5:33

Ne tódô tngón yó sem libun, ebéléen gónón e gbak yóm mon Jisas yó. Tódô setbol kkelen lemwót bè yóm tey klikoen, na a tódô mtud bukol bè solu Jisas. Gotu benkas tulónen du yóm ktahuhen.

Mark 7:37

Ya tey ketnga yó kem tau hmungol du, mon le, “Hono hyu yóm kdê gel nmoen,” yóm mò ke Jisas. “Balù yó kem bokong, bud mungol, ne yó kem umew, bud gudél.”

Kun Snulat Luk 4:36

Ya tey ketnga le du yóm nmò Jisas yó, tey kestulón le du, mon le, “Udél du mni du? Tey mlan. Ne tey mfasang. Botong dóken yó kem busaw ne tódô nimón le.”

Kun Snulat Luk 8:25

Ne mon Jisas mò kul, “Na, nô se kehtahu ye béléu du?” Ya tey ketnga le, lel le likò, sentulón le, mon le, “Tau du de mni? Tódô mudél ebè yóm lenos ne yóm lewók, ne tódô nimón le se.”

Hibru 12:28

Duhen yó, hol dóyón tekuy dé Dwata, abay se angat tekuy gomong bè yóm kun benwu nogot, yóm benwu là megsinsigen. Hol tekuy hloni ebéléen dé ni kmoen ni, hlan tekuy bè yóm kun kóyô bélê tekuy, hmung tekuy du snéen yóm hol kadat tekuy du ne yóm klikò tekuy mulé du,

Deng Hegfan 15:4

Uu se yóm kum gónó mogot, laen kô dù tau ke là knikò le kóm, duhen ke là dóyón le kóm. Tek sónen uu yóm laen dù belenen. Angat le gotu mógów ebéléem yó kem tau bè klamangen benwu na le e dóyón uu, abay se deng gotu gfan bè kdéen tau ne yóm tey ktedengen yóm kóm nmò.”

1 Samwél 12:24

Okóm yake hol wen klikò ye ke Dwata ne hol ye hteneb lemolò du. Hol hendem ye yó kem tey hyu deng nmoen bélê ye.