Mark 4:4 - Udél Dwata: Gna Kesfasad ne Lomi Kesfasad

⁴ Bè yóm ksohulen du, wen se temsik ebè lan. Sut yó kem onuk koyu, ne tódô gotu tnukô le.

Mark 4:4 Iomraidhean Croise

Tekang Kbuten 15:11

Lemwót yó kem onuk gel mken matay, deng le mom mdef bè lówó yó kem ógóf deng hlasà Abram, okóm gotu hlikò Abram lu.

Matyu 13:19

Ke wen tau mungol du yóm tulón bè kmò kogot Dwata tau, ne là dog hendem le du lanen, hol lómón ke yóm bnék temsik ebè lan. Tódô sut Seitan, nwahen bélê le yóm udél deng gungol le.

Matyu 13:4

Bè yóm ksohulen du, wen se temsik ebè lan, ne sut yó kem onuk koyu, ne tódô gotu tnukô le.

Mark 4:15

Yóm lan gónón e temsik yó kem dumu bnék sohulen, duhen yó kem tau hmungol du yóm Udél Dwata, ne sut Seitan tódô nwahen bélê le.

Mark 4:3

“Ni hol hnungol ye. Wen sotu tau nan e sohul bnéken bè dnaduhen.

Mark 4:5

Wen se sohulen gdek elem yóm tonok bnotu yóm gónón laen hol tonoken. Là kóen legen deng sana tmowok, abay se là mfól tonoken.

Kun Snulat Luk 8:12

Yóm lan gónón e gdek yó kem dumu bnék sohulen, duhen yó kem tau hmungol yóm Udél Dwata, okóm tódô sut Seitan, mom nwahen bélê le yóm udél deng gungol le yó anì là dog le hemtahu, ne anì là gewà le lem salà le.

Kun Snulat Luk 8:5

“Wen sotu tau nan e sohul bnéken bè dnaduhen. Bè yóm ksohulen du, wen se temsik ebè lan, ne gel gdà kem tau, ne gotu tnukô yó kem onuk koyu.