Mark 4:26 - Udél Dwata: Gna Kesfasad ne Lomi Kesfasad

²⁶ Bud mon Jisas mò kul, “Yóm kogot Dwata tau, hol lómón ke yóm tau smohul bnék bè dnaduhen.

Mark 4:26 Iomraidhean Croise

Kem Udél Hlalak Tehe Selumun 11:18

Là kóen tahà kmuhen du yóm gutahen yóm tau gel mò sidek, okóm yóm tau gel mò yóm tedeng, gutahen yóm ofol laen tul sónen.

Kehedem Tau Tmolok 11:4

Ke nam na hol nangat yóm kehyu kdaw, laen kô dù huluhem, ne laen se kô dù nutahem.

Kehedem Tau Tmolok 11:6

Holi heged mulu yóm kdê kay hulu, là kô tngónem du ke mahi du tmowok bélê le, duhen ke tódô kdê le gotu tmowok.

Isaya 32:20

okóm kuy, deng ye mom hligal yóm kdê ye lemwót bè yóm tilob él bè yó kem hulu ye. Ne hyu wen tilob gónó le mótób yó kem kudà ye ne yó kem safì ye. Tódô le kem tagaw bè yó, laen dù hemsidek kul.

Matyu 13:11

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben bélê ye.

Matyu 13:24

Bud wen hningón Jisas bélê le, monen, “Yóm kogot Dwata tau, lómón yóm tau na a smohul yóm bnék hyu bè dnaduhen.

Matyu 13:3

Tey dê tulónen kul, bede sal hlanen bè hlingón, monen, “Wen sotu tau nan e sohul bnéken bè dnaduhen.

Matyu 13:31

Ne bud wen sotu hningón Jisas bélê le, monen, “Yóm kogot Dwata tau, hol lómón yóm lem hulu deng hulu yóm sotu tau bè tnibahen,

Matyu 13:33

Ne bud sotu hningón Jisas bélê le, monen, “Sotu gónó tekuy e hmingón du yóm kogot Dwata tau, hol lómón ke yóm libun mò mambang. Balù tek udì bulung henok boolen bè yóm tey arina deng hnéféen, botong gbeken henok du yóm kbongen.”

Matyu 3:2

“Hegsel ye ne, knogol ye ne yó kem sidek gel nmò ye, yakà móyónen hto ne yóm buteng Dwata mogot tau.”

Matyu 4:17

Nbuten bè yó ne, tmolok Jisas. Yó gel monen, “Hegsel ye ne, knogol ye yó kem sidek gel nmò ye, yakà móyónen hto ne yóm buteng Dwata mogot tau.”

Mark 4:25

Ke deng wen gwahen yóm tau, bong he bud tnù Dwata du béléen. Okóm yóm tau ke là suen du lem hendemen yóm deng gungolen, balù yóm udì tehe tngónen, angat bud kó Dwata béléen.”

Mark 4:27

Bè yóm deng ksohulen du, tódô bayaen. Ke kifu, tódô tungô. Ke mwas, bud btik mò nmò. Ne yóm bnék deng huluhen yó, tódô lemsob ne henlelen tmowok se kun. Okóm yóm tau smohul du, là kô tngónen du yóm mò kmò ktowok yóm huluhen.

Kun Snulat Luk 13:18

Bud mon Jisas, monen, “Gónó tekuy e hkél du de yóm kogot Dwata tau? Gónó tekuy e hmingón du de?

Kun Snulat Luk 8:11

“Ni sii,” mon Jisas, “tennefen yóm hlingón yó koni. Yó kem bnék sohul yóm tau yó, duhen yóm Udél Dwata.

Kun Snulat Luk 8:5

“Wen sotu tau nan e sohul bnéken bè dnaduhen. Bè yóm ksohulen du, wen se temsik ebè lan, ne gel gdà kem tau, ne gotu tnukô yó kem onuk koyu.

Kun Snulat Jan 12:24

Tódô tulónu kuy ktahuhen,” mon Jisas, “lómón yóm sbotù bnék halay, ke là nan gebeng elem tonok ne lembóg, là kóen na a tmowok, ne là se wen bunguhen, tódô sana keblotuen. Okóm ke deng lembóg, yó he kwen towoken, ne angat tey kbunguhen.

Sulat Jim 3:18

Yóm tau ke hulung mit sefyu lem blóng kem dumuhen tau, hol lómón ke wen bnék huluhen. Ne yó nutahen du yóm huluhen yó, duhen yóm kehyu kmò.