Mark 4:2 - Udél Dwata: Gna Kesfasad ne Lomi Kesfasad

² Tey dê toloken kul, bede sal hlanen bè hlingón, yó monen,

Mark 4:2 Iomraidhean Croise

Kem Lingón 49:4

Yó kmò ktulónu du kuy, leningónu bélê ye. Bud heglilebu kuy se yóm lanen bè yóm igou kembit du nim ni.

Kem Lingón 78:2

Yakà hlanu du bè hlingón yó kem tulónu kuy. Tulónu kuy yóm gebnos bélê tekuy là sekna,

Matyu 13:10

Kogolen bè yó, mógów le ebè Jisas yó kem gel lemolò du, wen snólók le béléen, mon le, “Moen de ke gel hningónem yóm gel ktolokem yó kem tau?”

Matyu 13:3

Tey dê tulónen kul, bede sal hlanen bè hlingón, monen, “Wen sotu tau nan e sohul bnéken bè dnaduhen.

Matyu 7:28

Yóm deng ktulón Jisas du kdê ni kem ni, tey kehtaw le du yó kem tau sbung,

Mark 10:1

Bud lemwót Jisas bè yó, mlan elem yóm prubinsya Judiya, ne mifal yóm él Jurdan. Timbow kól fi fatu, ya tey tau tendo sbung ebéléen, ne gel tmolok bélê le snéen, lómón se yóm gel nmoen.

Mark 12:1

Ne bud mudél Jisas ebè yó kem tau, bede bud hningónen, monen, “Wen sotu tau lamang grép huluhen ne lenabaten gu hilolen. Ne ominen mò yóm angat gónó le kemmes élen. Ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen yó, ominen lemwót milo ebè yóm sotu benwu.

Mark 12:38

Bè yóm ktolok Jisas kul, monen, “Hol gel ten-gama ye, kô glolò ye yóm kul kmò yó kem tau tmolok hlau. Sónmò le tendo mógów mnes heglomboy. Ne ke mógów le gu lem fedyan, kóyô le ke hol nadat tau lu.

Mark 3:23

Okóm tnaba Jisas yó kem tau mudél yó koni, wen monen mò kul, bede hningónen, monen, “Ke tahu Seitan se malak do, là kô nan e hdó kul yó kem dumuhen busaw.

Mark 4:11

Mon Jisas mò kul, “Wen yóm là heglileb Dwata du bè yó kem dumu tau bè yóm kmò kogoten tau, okóm deng heglileben kuy. Bong bè yó kem dumu tau, mlan bè hlingón yóm gel ktoloku kul.

Mark 4:3

“Ni hol hnungol ye. Wen sotu tau nan e sohul bnéken bè dnaduhen.

Kun Snulat Jan 18:19

Bè yóm kdà Jisas bè solu Anas, gotu snólók Anas béléen yó kem tau gel lemolò du dalang se yóm gel toloken.