Mark 4:10 - Udél Dwata: Gna Kesfasad ne Lomi Kesfasad

¹⁰ Timbow le gotu skas yó kem dumu tau, mógów le ebéléen yó kem sfolò lewu gel lemolò du, ne wen kem dumu tau mung kul, snólók le yó kem deng hningónen bélê le.

Mark 4:10 Iomraidhean Croise

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Matyu 13:3

Tey dê tulónen kul, bede sal hlanen bè hlingón, monen, “Wen sotu tau nan e sohul bnéken bè dnaduhen.

Matyu 13:36

Kewót Jisas bè yó, tnagaken yó kem tey tau wen, ominen husek elem gónô. Mógów le ebéléen yó kem gel lemolò du, ne mon le mò du, “Tulónem kum kun lanen yóm hningónem bè yóm halay wen kluon gbol lemen.”

Mark 4:11

Mon Jisas mò kul, “Wen yóm là heglileb Dwata du bè yó kem dumu tau bè yóm kmò kogoten tau, okóm deng heglileben kuy. Bong bè yó kem dumu tau, mlan bè hlingón yóm gel ktoloku kul.

Mark 4:34

Laen kô dù toloken kul ke là hningónen du. Okóm bè yó kem gel lemolò du, ke són lu gel tulónen kul yóm hnigaden.

Mark 4:9

Omin Jisas bud mon du mò kul, “Yóm tau wen klinguhen, hol hmungol.”

Mark 7:17

Omin Jisas tmagak yó kem tey tau sbung, ne husek elem gónô. Mógów le ebéléen yó kem gel lemolò du, snólók le béléen hol lan yóm deng monen yó koni.