Mark 3:3 - Udél Dwata: Gna Kesfasad ne Lomi Kesfasad

³ Ne mon Jisas mò yóm tau kimoy sigelen, “Ó Wè, mógówi edini kun béléu.” Tahu se, mógów ebè Jisas yóm tau yó.

Mark 3:3 Iomraidhean Croise

Isaya 42:4

Laen kô tul kkóhen béléen yóm kgel nawahen. Angat tódô lenngeben klamang benwu yóm kukum tedeng nwiten. Balù yó kem benwu mayuk tey kangat le du yóm ktoloken.”

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Matyu 12:10

Wen sotu tau nô bè yó kimoy doli sigelen. Ne wen se kem dumu tau nô bè yó mebel le lan le dmuón ke Jisas, mon le mò du, “Gsalà bè yóm hlau tekuy kô yóm hkó des bè yóm Kdaw Kehegnô?”

Mark 3:2

Wen se kem dumu tau nô bè yó, tenngel le Jisas anì ton le ke hkóhen des yóm tau kimoy yó bè yóm Kdaw Kehegnô anì wen dalil le dmuón du.

Mark 3:4

Ne mudél Jisas ebè yó kem tau sbung, snólóken lu, monen, “Tedu de bang nmò tekuy bè yóm Kdaw Kehegnô anì là gsalà tekuy du yóm hlau tekuy? Hyu kô yóm tmóbóng duhen ke hensidek? Ke lemowil tau, duhen ke tódô hnatay?” Okóm tódô le neb yóm kdê le.

Kun Snulat Luk 6:8

Okóm deng eles tngón Jisas ne yóm nô lem hendem le, ewenem yó tódô monen mò yóm tau deng kimoy sigelen, “Ó Wè, mógówi edini kun béléu.” Tahu se, mógów ebè Jisas yóm tau yó.

Kun Snulat Jan 9:4

Yóm tolo knóu lem benwu,” mon Jisas, “lómón ke tolo mnóng kdaw. Tnana tekuy mò du yóm kun kóyô yóm hógów do, abay se ke sok deng kifu, laen kô dù tau bud mò nmò ne.

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

Glasya 6:9

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

Flipay 1:14

Ne sotuhen, tey wen bè yó kem dumu tekuy deng hemtahu, deng temnù yóm kgel nawa le yóm gónó tekuy mogot lemwót bè yóm deng kegkukubu. Deng mom temnù yóm là klikò le hból du yóm Udél Dwata.

1 Pitér 4:1

Deng tehe glayam Krays ekni bè yóm tehe knóen te tonok. Ke yó se kmoen béléen, bê ye tnga du ke wen gónó ye gel glayam se kuy ni kmoen ni. Abay se ke wen gónóhen glayam yóm tau, là kô wen bud nawahen mò du yóm sidek.