Mark 3:22 - Udél Dwata: Gna Kesfasad ne Lomi Kesfasad

²² Wen se bè yó kem tau tmolok hlau lemwót bè Jirusalim nô bè yó. Yó udél le ebè Jisas, mon le, “Nalak Seitan, yóm kul ogot yó kem busaw. Yó gónón gembek hdó yó kem busaw.”

Mark 3:22 Iomraidhean Croise

2 Bok Kem Tau Hol Geta 1:2

Sotu kdaw, membel kebtang Ahasaya, yóm lomi tau hol geta bè benwu Israél, gu ditu ta bè yóm klóón nmò le bè gónón hnos ta yóm gónô bongen bè Samarya ne tey sidek kegnómen du. Yó gónón wen kem tau hógówen ebè Baal-sibub yóm dwata lennged yó kem tau bè Ikrun, anì snólók le béléen ke mowil du.

Kem Lingón 22:6

Okóm yóm dou, lómón ke là bude tau, lómón ke denge baling kuled. Tey khisik le dou yóm kdéen tau, ne lel le semdekà dou.

Matyu 10:25

Hyu nawahen yóm tau dmalang ke deng guliten yóm tau tmolok du. Ne yóm tau mò nmò, hyu nawahen ke deng guliten yóm amohen. Ke Seitan boluy le du yóm gónó ye mogot, milud he ksidek udél le ebélê ye, yu kem mogot béléu.”

Matyu 11:18

Ngem yó dém kkól Jan lem blóng ye,” mon Jisas, “gel fasting se kun, ne là kô ninumen du kun yóm ninum lóbô. Okóm deng mom slón ye du, ‘Tau wen malak du.’

Matyu 12:24

Timbow gungol yó kem Farisi nim mon le ni, mom mon le, “Là kô yó du. Kaem Seitan yóm htulus du yó, yakà són du Seitan kul ogot yó kem tulus sidek.”

Matyu 15:1

Ne wen kem Farisi ne yó kem gel tmolok hlau mógów ebè Jisas, lemwót le bè syudad Jirusalim. Wen snólók le béléen, mon le,

Matyu 9:34

Okóm kul yó kem Farisi, mom yó kmon le du, “Kaem lemwót bè Seitan yóm kul ogot yó kem tulus sidek, yóm kfasangen hdó tulus seitan yóm tau yó.”

Mark 7:1

Sotu kdaw bè yó, stifun le bè Jisas yó kem Farisi ne yó kem tau tmolok hlau lemwót gu bè syudad Jirusalim.

Kun Snulat Luk 11:15

Okóm wen se fen mon du, “Kaem Seitan yóm htulus du yó, yakà són bè Seitan du gónó le mogot kul yó kem busaw.”

Kun Snulat Luk 5:17

Sotu kdaw bè yó, bud tmolok Jisas, ne wen se kem Farisi ne yó kem tau gel tmolok hlau myón bè yó. Lemwót le bè ket benwu snakuf Galili ne Judiya, kkólen bè yóm syudad boluyen Jirusalim. Ne nô bè Jisas yóm ktued Dwata gel hkó des.

Kun Snulat Jan 10:22

Deng bud hto se yóm sotu kmò le ken bong yó kem Ju bè Jirusalim, yóm gel mon le, Kdaw Kebwas le yóm Gónô Dwata. Bè yóm gel kmò le du yóm ken bong yó, sal gel geslaen yóm bulónen tnaw.

Kun Snulat Jan 7:20

Ne yó udél yó kem tey tau wen bè yó, mon le, “Deng wen malak kóm. Laen kô dù tau tô hmatay kóm.”

Kun Snulat Jan 8:48

Deng mom yó bud balà le ke Jisas, mon le, “Tahu se yóm gel mon me, tauhi lemwót bè Samarya se kóm, lelen wen busawem.”

Kun Snulat Jan 8:52

Bnalà le se, mon le mò du, “Ni deng tngón me wen busaw malak kóm. Igoen deng matay Abraham dalang se yó kem tehe gna tugod Dwata. Okóm yó monem, ke wen tau mimón du yóm tolokem, là kóen na a matay.