Mark 3:2 - Udél Dwata: Gna Kesfasad ne Lomi Kesfasad

² Wen se kem dumu tau nô bè yó, tenngel le Jisas anì ton le ke hkóhen des yóm tau kimoy yó bè yóm Kdaw Kehegnô anì wen dalil le dmuón du.

Mark 3:2 Iomraidhean Croise

Kem Lingón 37:32

Yóm tau sidek nmoen, gel mebel lanen tô hmatay yóm tau tedeng.

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

Danyél 6:4

Bè nim ni, deng mom nélés nawa le Danyél yó kem dumuhen hmalak ne yó kem gubérnor. Yó nmò le, mebel le lan mò lewót gónó le dmuón du. Okóm laen kô dù ton le sidek nmoen, abay se tey teneb ne tey gulit, balù udì ke wen tô gónón salà yó kem gel nmoen.

Matyu 12:10

Wen sotu tau nô bè yó kimoy doli sigelen. Ne wen se kem dumu tau nô bè yó mebel le lan le dmuón ke Jisas, mon le mò du, “Gsalà bè yóm hlau tekuy kô yóm hkó des bè yóm Kdaw Kehegnô?”

Mark 3:3

Ne mon Jisas mò yóm tau kimoy sigelen, “Ó Wè, mógówi edini kun béléu.” Tahu se, mógów ebè Jisas yóm tau yó.

Kun Snulat Luk 14:1

Bè yóm sotu Kdaw Kehegnô, henkenen Jisas bè gónóen yóm sotu Farisi. Nim Farisi ni, sotu gónó le mogot yó kem dumuhen Farisi. Ne sónmò le semtngel ke Jisas yó kem dumu tau nô bè yó.

Kun Snulat Luk 20:20

Kewóten bè yó ne, sónmò le mebel dalil mò gónó le gemkfô ke Jisas bè kudélen yó kem tau gel tmolok hlau ne yó kem tau hol geta gel demsù ebè Dwata. Wen tau gel bnayad le mò fen hmolung du, hlingón le tau dmalang béléen. Gel wen snólók le béléen mò dalil le kmamo du bè yóm Gubérnor lemwót bè Rom anì du fen kmukum du.

Kun Snulat Luk 6:7

Wen se kem Farisi nô bè yó kkólen bè yó kem tau gel tmolok hlau. Ne gel tenngel le Jisas anì ton le ke wen tau hkóhen desen bè yóm Kdaw Kehegnô mò dalil le dmuón du.

Kun Snulat Jan 8:6

Yóm snólók le bè Jisas ni, mò tô dalil le dmuón du. Okóm ke Jisas kun, lekohong ebè tonok, sulaten bè tonok tdoken.

Kun Snulat Jan 9:16

Wen se bè yó kem Farisi mon du, “Là lemwóten bè Dwata yóm tau hton kóm yó, abay se nmoen bè yóm Kdaw Kehegnô.” Okóm yó mon kem dumu tau, “Ke tau gemsalà yóm tau yó, là kô gbeken mò du yó kem tey dê hentaw ton nmoen.” Tey kesgólól nawa le yó kem tau bè yó.