Mark 3:16 - Udél Dwata: Gna Kesfasad ne Lomi Kesfasad

¹⁶ Ni se boluy yó kem sfolò lewu tau néléken: Simun (yóm bnoluyen Pitér).

Mark 3:16 Iomraidhean Croise

Mark 1:16

Yóm igò Jisas mentad Lanaw Galili, tonen yó kem lewu tau setwoli hmuket, Simun ne twolihen Andru. Yó se kul sana gel nmò hmuket.

Mark 3:15

Ne wen kwalis blayu kuy anì gbek ye hdó busaw.”

Mark 3:17

Jim ne yóm twolihen Jan (kem ngà Sibidi. Yó iba Jisas kul, Buanirgis. Yó lanen, “Kem Ngà Lugung.”)

Kun Snulat Luk 6:13

Tikóng mwas bè yó, ominen htaba yó kem tau gel lemolò du, ne sfolò lewu yóm néléken bélê le mò gel hógówen. Ne boluyen kul aposol.

Kun Snulat Jan 1:42

Ne omin Andru mit ke Simun ebè Jisas. Uni Jisas mton ke Simun, henmung monen mò du, “Uu se Simun, ngà yóm sotu Jan. Okóm yó bud tles boluyem, Sifas.” (Yóm boluy Sifas yó, senged lanen bè yóm boluy Pitér. Yó lanen, “botu.”)

Kul Nmò 1:13

Timbow le kól bè Jirusalim, tódô le hlós ebè yóm dfél tofi ta bè yóm gónô gónó le gel mefet. Yó kwen le, Pitér, Jan, Jim, Andru, Filip, Tumas, Bartulumyu ne Matyu. Mung Jim ngà Alfiyus, ne yóm Simun tehe gel mung mofin yóm kul benwu, ne yóm Judas, ngà yóm sotu Jim.

1 Kurin 1:12

Wen se bélê ye mon du kun, “Lolou Pol dou.” Ne mon kem dumu, “Apulus dou.” Ne bud wen mon du, “Pitér dou lolò.” Ne wen se mon du kun, “Lolou Krays dou.” Yó se gónóhen mesgólól nawa ye.

1 Kurin 9:5

Ne ke deng wen yehenu, wen kwalisu mit du bè yóm kógówu lómón yóm kul gel nmò yó kem dumu tau gel hógów Jisas, ne yó kem dumun setwoli yóm gónó tekuy mogot, dalang se ke Pitér.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.