Mark 2:26 - Udél Dwata: Gna Kesfasad ne Lomi Kesfasad

²⁶ Tódô husek Dabid bè Gónô Dwata, uma kóm Abiyatar yóm hol geta bè yó kem gel demsù ebè Dwata bè yóm kdaw yó. Ne nwa Dabid yóm mambang deng blay le ebè Dwata, ne ominen mken du. Blaem bè yóm hlau tekuy, là kóen hyu kken tau hkawang du yóm mambang yó, tek són yó kem gel demsù ebè Dwata mken du. Ewenem ke Dabid, botong kenen, ne benlayen se yó kem tauhen. Bede là kô duón Dwata du kul yóm kken le du.”

Mark 2:26 Iomraidhean Croise

2 Samwél 15:24

Mung snéen Abyatar lewu le Sadok, hono kem tau gel blóng ebè Dwata. Mung le snéen yóm kdê sfu Libay fen gel mit yóm Slungan Dwata, nô lemen yóm fasad Dwata kul. Na le hyón yóm Slungan Dwata yó efet le deng gotu hewà gu lem yóm syudad yóm kdéen tau mung.

2 Samwél 15:29

Tahu se, bud nwit le Sadok mulék lewu le Abyatar yóm Slungan Dwata elem syudad Jirusalim, ne bè yó gónó le nô se kul.

2 Samwél 15:35

Nô le bè yó snéen le Sadok ne Abyatar kem tau gel blóng ebè Dwata. Hol tulónem kul ke wen gungolem bè gónô bong yóm tau hol geta.

2 Samwél 20:25

Yó fen gel smulat bélê le bè kukum, duhen Siba. Ne yó blóng le ebè Dwata, duhen Sadok ne Abyatar.

1 Bok Kem Tau Hol Geta 1:7

Yó nmò Adunadya, stulón ke Juab ngà Siruwaya, ne bè Abyatar yóm tau gel blóng ebè Dwata. Tulónen kul yóm tô atulen, ne yóm lewu tau yó móyô le tmóbóng du.

1 Bok Kem Tau Hol Geta 2:22

Yó balà Selumun ke yéen, monen, “Moen du ke yó hnihem béléu hyehenu ke Adunadya Abisag yóm libun lemwót bè Suném? Ke yó tô nmou, hol lómón ke blayu du yóm kogotu benwu, yakà twoguhu du, ne deng gfi béléen Abyatar yóm tau gel blóng ebè Dwata, ne Juab ngà Siruwaya.”

Matyu 12:4

Tódô husek bè Gónô Dwata Dabid, ne nwahen yóm mambang deng blay le ebè Dwata, ne ominen mken du dalang se yó kem kun tau. Blaem bè yóm hlau tekuy, là kóen hyu kken tau hkawang du yóm mambang yó, tek són yó kem gel demsù ebè Dwata gel mken du. Ewenem, là kô duón Dwata du kul yóm kken le du.

Mark 2:25

Bnalà Jisas se lu, monen, “Deng hónô senfala ye se yóm tehe nmò Dabid ne yó kem tauhen bè yóm kdaw laen dù ken le, ne tey kbitil le.

1 Samwél 21:1

Kewót Dabid bè yó, mógów ebè yóm benwu boluyen Nob nan e hnebel Ahimélék yóm tau gel blóng le ebè Dwata bè yó. Bè yóm kton Ahimélék du ya tey klikoen botong kenkel, snólóken “Moen ke mógówi sotu? Moen ke laen dù tau mung kóm?”

1 Samwél 23:6

Bè yóm klóy Abyatar yóm ngà Ahimélék ebè Dabid, eles nwiten yóm ifod gónó le gel smólók ke Dwata. Bè yóm kmungen ke Dabid ebè Kila, deng bud eles nwiten yóm ifod yó.

1 Samwél 23:9

Okóm tikóng tngón Dabid yóm katul Sol du yó, yó monen mò ke Abyatar yóm tau blóng ebè Dwata, “Nwitem edini yóm ifod anì tngón te yóm kóyô Dwata bélê te.”