Mark 2:25 - Udél Dwata: Gna Kesfasad ne Lomi Kesfasad

²⁵ Bnalà Jisas se lu, monen, “Deng hónô senfala ye se yóm tehe nmò Dabid ne yó kem tauhen bè yóm kdaw laen dù ken le, ne tey kbitil le.

Mark 2:25 Iomraidhean Croise

Matyu 19:4

Bnalà Jisas lu, monen, “Deng hónô senfala ye yóm monen bè Sulat Dwata. Bè yóm hol kbuten nmò Dwata yóm tau, logi ne libun.

Matyu 21:16

Mudél le ebè Jisas yó kem tau lembut du yó koni, mon le, “Gungolem kô udél tu kem ngà?” Mon Jisas se, “Gungolu se.” Ne bud monen, “Là deng gesfala ye du kô yóm sotu tulónen bè Sulat Dwata, yóm monen, ‘Ó Dwata, balù yó kem ngà kólen bè yó kem ngà tolo hebón, deng tolokem lu anì hol tódô yóm kdóyón le kóm.’ ”

Matyu 21:42

Omin Jisas bud mon du mò kul, “Tahu se yóm mon ye. Deng gesfala ye kô kuy yóm tehe mon Dwata bè Sulaten, ‘Wen botu deng senkbê yó kem tau hdà gónô, ofo kul ke laen dù muhen. Anì monem, yó se yóm hol tahu botu mò hembegel du yóm gónô hdà le. Yó se yóm deng nmò Dwata, ne tey kehtaw tekuy du yóm nmoen yó.’

Matyu 22:31

Ne bè yóm snólók ye bè angat bud klowil tau, là deng gesfala ye du kô yóm tehe tulón Dwata kuy bè Sulaten? Yóm monen,

Matyu 4:2

Botong fat folò buteng Jisas là mken, ya tey sidek kbitilen.

Mark 12:20

Na,” mon le, “tehe yu ekni, wen hitu kem tau ssotu sut le. Myehen yóm hol twogu bélê le, okóm kendel matay igoen là deng wen ngà le.

Mark 12:26

Ne bè yóm snólók ye bè yóm angat bud klowil tau gu lem hatay,” mon Jisas, “là deng gesfala ye du kô yóm tehe hsulat Dwata ke Musis, yóm tehe kehlingu Dwata béléen bè dilóf ofi bè yóm sotu ngà koyu lefungu? Yó udél Dwata ebéléen gu lem tum dilóf, monen, ‘Ou se sana kul Dwata le Abraham ne Isak ne Jakub.’ Bè yóm udél Dwata yó,” mon Jisas, “gónó ye temngón du yóm deng bud klowil Dwata kul. Abay se yóm Dwata, du se Dwata yó kem mowil, là bè yó du kem là mowilen. Tey salà kehedem ye du.

Mark 2:24

Timbow mton yó kem Farisi, mon le mò ke Jisas, “Tenngelem dé yó kem gel lemolò kóm, deng mom nulé le yóm hlau tekuy bè Kdaw Kehegnô yóm nmò le yó.”

Mark 2:26

Tódô husek Dabid bè Gónô Dwata, uma kóm Abiyatar yóm hol geta bè yó kem gel demsù ebè Dwata bè yóm kdaw yó. Ne nwa Dabid yóm mambang deng blay le ebè Dwata, ne ominen mken du. Blaem bè yóm hlau tekuy, là kóen hyu kken tau hkawang du yóm mambang yó, tek són yó kem gel demsù ebè Dwata mken du. Ewenem ke Dabid, botong kenen, ne benlayen se yó kem tauhen. Bede là kô duón Dwata du kul yóm kken le du.”

Kun Snulat Luk 10:26

Bnalà Jisas se, monen, “Tedu de yóm monen bè Sulat Dwata? Tedu de kmò ketngónem du?”