Mark 2:16 - Udél Dwata: Gna Kesfasad ne Lomi Kesfasad

¹⁶ Wen kem Farisi mton kul. Ni kem Farisi ni, hono kem tau tmolok hlau. Timbow ton le yóm kesegbót Jisas bè yó kem tau gemsalà, ne yó kem tau fen gel mtuk bwis bélê le, tódô le mógów ebè yó kem gel lemolò ke Jisas, ne mon le mò kul, “Moen yó du yóm tau gónó ye htolok ke deng mom segbót mken bè yó kem tau yóó?”

Mark 2:16 Iomraidhean Croise

Isaya 65:5

Ne yó mon le mò yó kem dumu tau, ‘Hol bê ye hloni ebélê me abay se wen tulus me, là hyuhen ke getdol ye mi.’ Ya tey sidek kekbéu kul yó kem tau lómón yó. Yóm kebutu kul, hol lómón yóm ofi laen dù tul katayen.” Là gomongen bè nili yóm bérs 6 kól bè bérs 16. Yó tulónen bè ni yóm ktafak Dwata yó kem tau là mimón du. Tey ktabahen kul anì mni le tóbóng béléen okóm là, deng mom hebut le Dwata. Okóm yó kem tau Israél lemwót bè ból Juda ne kem sfu le, angat tey kuyag Dwata kul ne gfun le yóm tonok blayen kul.

Matyu 18:17

Okóm ke là dog hnungolen kul, tódô gotu tulón ye yóm kdéen bè gónó le gel stifun yó kem Ju. Okóm ke là dogen hmungol balù yóm deng kwit ye du bè gónó le gel stifun yó kem Ju, hol lómón kmò ye ebéléen, lómón yóm kmò ye ebè yó kem tau là hemtahuhen bè Dwata, ne bè yó kem dumu tau gemsalà.”

Matyu 5:46

Bê ye abay tô hendón ke wen ofol blay Dwata kuy ke són yó olo kenbong nawa ye, són yó kem tau kembong nawa kuy. Balù yó he kem tau gel mtuk bwis, sana kul kesbong nawa se kul.

Matyu 9:11

Timbow ton yó kem Farisi nim ni, tódô le mógów ebè yó kem tau gel lemolò ke Jisas, ne mon le mò kul, “Moen de yóm tau gónó ye gel htolok ke deng mom segbót mken bè yó kem tau yóó?”

Mark 2:15

Kogolen bè yó, mken Jisas ne yó kem gel lemolò du bè gónô Libay. Tey dê bè yó kem dumu tau gel mtuk bwis dalang se yó kem dumu tau gemsalà mung ke Jisas, ne gbót le seyón mken bélê le bè yó.

Mark 2:7

“Moen ke lómón ni kudélen tau ni? Kóem hsengeden knóen bè Dwata. Laen kô dù tau gembek hmifót salà, tek són Dwata.”

Kun Snulat Luk 18:11

Tódô mdà yóm Farisi yó tek sotuhen, ne mni bè Dwata, monen, ‘Tey hyu nawahu dou, Dwata, abay se là mkéle bè yó kem dumu tau, lómón yó kem tau sbì, ne yó kem tau mò kéng, ne yó kem tau mdà yehen. Ne tey hyu nawahu abay se là mkéle bè yóm tau fen gel mtuk bwis yóó.

Kun Snulat Luk 19:10

Ni se yóm hol henduf yóm Ngà Tau,” mon Jisas, “nan e hnebel lu yó kem tau deng tlas anì gewà le lem salà le.”

Kun Snulat Luk 19:7

Bè yóm kton kem tau du nim ni, deng mom gotu senlón le, mon le, “Moen tau ni ke deng mom mauy bè gónô yóm tau gemsalà?”

Kun Snulat Luk 5:30

Timbow ton le lu yó kem Farisi ne yó kem dumu le gel tmolok hlau, tódô le mógów ebè yó kem tau lemolò ke Jisas, ne mon le mò kul, “Moen de ke deng ye mom segbót mken bè tu kem tau gel mtuk bwis ne yó kem dumu tau gemsalà yóó?”

Kul Nmò 23:9

Ngang le mò du yóm skuya mon yó koni efet le mom gotu sefetê. Ominen wen bè yó kem Farisi gel tmolok hlau mdà lem blóng le, ne hgel le udél le, mon le, “Laen dù salà ton me béléen nim tau ni” mò ke Pol. “Déke wen tahu hógów Dwata gu bè longit stulón du, duhen ke wen dumu nmò Dwata mò lanen stulón du.”

1 Kurin 2:15

Ke deng nô bélê tekuy yóm Tulus Dwata, gotu glileb tekuy ke tedu yóm hyu ne ke tedu yóm sidek. Okóm yóm tau là nóen béléen yóm Tulus Dwata là kô glileben du kun yóm kut kmò.

Hibru 12:3

Hol hendem tekuy dé yóm tey kehbalahen lemwót bè yóm alì kutó nawa le du yó kem tau gemsalà. Duhen yó, hol bê tekuy abay heblat nawa, ne hol bê tekuy abay htakas.