Mark 2:14 - Udél Dwata: Gna Kesfasad ne Lomi Kesfasad

¹⁴ Tikóng bud hlós bè yó, tonen yóm sotu tau fen gel mtuk bwis boluyen Libay, ngà Alfiyus, myón bè fsinaen. Bè yóm kton Jisas du, tódô monen mò du, “Ó Wè Libay, loloem ou.” Ne tahu se, tódô lemwót Libay, loloen Jisas.

Mark 2:14 Iomraidhean Croise

Matyu 8:22

Mon Jisas se mò du, “Tódô hebengem tu he kem kun dumu là hemtahu yóm maem. Okóm fen, loloem ou kóm.”

Mark 2:15

Kogolen bè yó, mken Jisas ne yó kem gel lemolò du bè gónô Libay. Tey dê bè yó kem dumu tau gel mtuk bwis dalang se yó kem dumu tau gemsalà mung ke Jisas, ne gbót le seyón mken bélê le bè yó.

Mark 3:18

Ne Andru ne Filip ne Bartulumyu ne Matyu ne Tumas ne yóm sotu Jim ngà Alfiyus ne Tadiyus ne yóm sotu Simun, yóm tau tehe mung mofin yóm kul benwu

Kun Snulat Luk 6:15

Matyu ne Tumas, ne yóm sotu Jim (ngà Alfiyus) ne bud yóm sotu Simun (yóm tau tehe mung mofin yóm kul benwu),

Kul Nmò 1:13

Timbow le kól bè Jirusalim, tódô le hlós ebè yóm dfél tofi ta bè yóm gónô gónó le gel mefet. Yó kwen le, Pitér, Jan, Jim, Andru, Filip, Tumas, Bartulumyu ne Matyu. Mung Jim ngà Alfiyus, ne yóm Simun tehe gel mung mofin yóm kul benwu, ne yóm Judas, ngà yóm sotu Jim.