Mark 2:13 - Udél Dwata: Gna Kesfasad ne Lomi Kesfasad

¹³ Kewót Jisas bè yó, bud mógów etu bè kilil Lanaw Galili. Ya tey bud tau stifun ebéléen, ne wen bud toloken kul bè yó.

Mark 2:13 Iomraidhean Croise

Matyu 13:1

Bè yóm kdaw yó, lemwót bè gónô Jisas, mógów etu bè kilil yóm lanaw, ne myón ne tmolok bè yó.

Matyu 9:9

Bud kewót Jisas bè yó, tódô tonen yóm sotu tau fen gel mtuk bwis boluyen Matyu, myón bè fsinaen. Bè yóm kton Jisas du, tódô monen mò du, “Ó Wè, loloem o.” Ne tahu se, mung kdà Matyu bè yó, loloen Jisas.

Mark 1:45

Okóm bè yóm deng kulék yóm tau yó, deng mom tódô gotu tulónen bè kdéen tau yóm deng kekó Jisas yóm desen. Botong là dogen gógów ebè yó kem dumu benwu Jisas, bà mon tey tau wen tendo seklot ebéléen. Yó nmoen, tódô gel htólóng ebè yó kem benwu laen dù tauhen. Ewenem yó, sana tey kwen tau lemwót bè ket benwu tendo gel mógów ebéléen.

Mark 10:1

Bud lemwót Jisas bè yó, mlan elem yóm prubinsya Judiya, ne mifal yóm él Jurdan. Timbow kól fi fatu, ya tey tau tendo sbung ebéléen, ne gel tmolok bélê le snéen, lómón se yóm gel nmoen.

Mark 2:2

Ya tey dê tau bud stifun ebéléen, tódô hnok lem gónô efet laen dog dù gónó le nô yó kem dumu, balù bè lewaen. Ne ominen tmolok kul yóm Udél Dwata.

Mark 4:1

Sotu kdaw bè yó, bud tmolok bè kilil Lanaw Galili Jisas, ne tey tau wen sbung ebéléen. Yó gónóm mon, lemwót Jisas tódô myón lem yóm ówóng hetów ta él, ne lemwót yó kem tau gotu le nô bè kilil él.

Kun Snulat Luk 19:48

Okóm laen dù lan le gemhatay du, bà mon se yóm tey tau wen gel hmungol yóm ktoloken, ne tey kehteneb le hemklingu du yóm gel tulónen.

Kun Snulat Luk 21:38

Bong yó kem tau bè yóm benwu yó, tey tendo gel kehlafus le ebè yóm Gónô Dwata na le e gel hnungol yóm ktolok Jisas.