Mark 16:8 - Udél Dwata: Gna Kesfasad ne Lomi Kesfasad

⁸ Tahu se, tódô le lemwót yó kem libun, mlóy le gu ditu. Ya tey sidek klikò le, botong setbol kkel le. Yóm kgefet le bè kem dumu le, bà udì ke wen tulón le, bà mon tey sidek klikò le. [

Mark 16:8 Iomraidhean Croise

2 Bok Kem Tau Hol Geta 4:29

Omin Ilaysa mon du mò ke Gihasi, “Hesloi etu, nwitem tugedu. Ke wen tau geslongem, béi mudél ebéléen, ne béem abay kenmón se ke wen tau kemlô kóm bè lan. Tódói hlós etu bè gónóen, hlasaem ta yóm ngà yóm tugedu.”

Matyu 28:8

Tahu se, kendel le lemwót yó kem libun. Ya tey kligal le, mung du yóm klikò le. Tódô le mlóy na le e tô tulón yó kem gel lemolò ke Jisas.

Matyu 7:28

Yóm deng ktulón Jisas du kdê ni kem ni, tey kehtaw le du yó kem tau sbung,

Mark 16:7

Mulék ye ne, ne tulón ye yó kem gel lemolò du dalang se bè Pitér, mon ye mò kul, ‘Deng gna bélê ye etu bè Galili kun Jisas, ditu he gónó ye ston du, yó se yóm tehe monen mò kuy.’ ”

Mark 16:9

Timbow hol hlafus bè Akad, mowil Jisas. Bè yóm klowilen, nan ne gna hegfan bè yóm Midi lemwót bè Megdala, yóm libun tehe wen hitu busaw hdóhen gu béléen.

Kun Snulat Luk 10:4

Bê ye abay mit filak duhen ke bag duhen ke tlumfà. Bê ye hegen kestulón ye bè yó kem tau geslong ye bè lan.

Kun Snulat Luk 24:37

Bè yóm hmung kton le ke Jisas yó, ya tey klikò le, ofo kul ke busaw.