Mark 16:5 - Udél Dwata: Gna Kesfasad ne Lomi Kesfasad

⁵ Omin le husek elem yóm kilib, tódô ton le yóm tau lomi lemnok, myón fi bè kwanan le, bukay nesen. Ya tey ketnga le du.

Mark 16:5 Iomraidhean Croise

Danyél 10:12

Ominen bud mon du mò dou, “Béi abay hlikò, Danyél. Tódô lenwóten bè yóm hol tanay kdaw keheglaanem knóem bè Dwata anì hulungi temnef, deng sana gungolen bè longit ne yóm hnihem. Ni nógówu edini naw e tulón kóm balaen yó kem hnihem yó.

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”

Matyu 28:3

Tey mnóng lem uyóhen yóm hógów Dwata yó, hol lómón ke mkal silà, ne tey sminang bukay yóm nesen.

Mark 1:27

Ya tey ketnga le du yó kem tau nô bè yó, són mò le semtulón du, mon le, “Tedu mni? Tey tólóng kun ktolok tau ni. Wen kwalisen hdó yó kem busaw, ne tódô nimón le.”

Mark 14:33

Tlu tau niten, Pitér ne Jim ne Jan. Ne tódô gleket béléen yóm tey ksidek kegnómen du,

Mark 9:15

Bè yóm kton le ke Jisas yó kem tey tau sbung bè yó, tey ketnga le du, ne gotu le mlóy ebéléen na le e hnódó.

Kun Snulat Luk 1:12

Bè yóm kton Sekariya du botong ktut ne tey klikoen.

Kun Snulat Jan 20:8

Ominen husek se kun yóm sotu gel lemolò ke Jisas, yóm tehe gna gefet bè yó. Bè yóm ktonen yó kem nes masà, deng tódô hentahuhen ne yóm klowil Jisas.