Mark 16:2 - Udél Dwata: Gna Kesfasad ne Lomi Kesfasad

² Timbow deng minal mwas bè Akad, tódô le lemwót mógów ebè yóm lebeng Jisas.

Mark 16:2 Iomraidhean Croise

Danyél 6:19

Hayahen bè yó hanà tolo minal mwas tódô btik yóm tau hol geta, kendel mógów ebè yóm sol gónó le nô yó kem liyun.

Matyu 28:1

Timbow kogol yóm Kdaw Kehegnô, yóm hanà tolo minal mwas bè Akad, lemwót Midi, yóm Midi lemwót bè Megdala, ne yóm sotu Midi, tódô le temkifu na le e nauy lebeng Jisas.

Mark 16:1

Timbow kogol yóm Kdaw Kehegnô le, lemwót yó kem libun na le e bemli yóm hnolo alì tilob boohen mò tô lunol le bè lówó Jisas. Yó boluy yó kem libun yó, Midi lemwót bè Megdala, ne yóm sotu Midi Yê Jim, ne Selumi.

Mark 16:3

Bè yóm igò le mógów sónmò le stulón, yó mon le, “Tau du bang tô hefluy tekuy du tum botu seng bè baken tum kilib tu?” Yóm botu mon le yó, tey botu bong. Timbow le kól ditu, deng mom sana tódô mluy.

Kun Snulat Luk 24:1

Hanà tolo minal mwas bè Akad, lemwót yó kem libun ebè yóm kilib gónón lebeng Jisas. Gotu nit le yó kem alì minggel boohen deng tehe eles hentifes le.

Kun Snulat Jan 20:1

Timbow hanà minal mwas bè Akad, lemwót yóm sotu Midi lemwót bè Megdala na a mógów ebè lebeng Jisas. Bè yóm kkólen ditu, tódô tonen yóm bak lebeng deng mom sana hnas, là buden nô du yóm botu tehe seng le du.