Mark 16:13 - Udél Dwata: Gna Kesfasad ne Lomi Kesfasad

¹³ Tikóng deng dilô le, tódô le kendel bud mulék ebè Jirusalim na le e tulón tu kem dumu le yóm deng kton le du, okóm bud là hentahu le kul snéen.

Mark 16:13 Iomraidhean Croise

Matyu 28:17

Timbow ton le Jisas bè yó, ya tey kdóyón le du. Okóm wen se bélê le tolo megewu nawa le du yóm deng bud klowilen.

Mark 16:11

Bè yóm kungol le du yóm tulón Midi kul, duhen yóm deng bud klowil Jisas, ne yóm kehegfanen béléen, deng mom henda le.

Mark 16:14

Bè hol són yóm kehegfan Jisas, tódô sut lem blóng yó kem sfolò sotu dù gel lemolò du bè yóm igò le tolo mken. Nudélen lu lemwót bè yóm là kehtahu le, ne lemwót bè yóm kgel kulu le, yó gónó le alì hemda du yóm tulón yó kem tau deng mton yóm bud klowilen.

Kun Snulat Luk 16:31

Yó bud balà Abraham du, monen, ‘Ke là hnungol le du yóm tehe snulat Musis ne yó kem dumu tugod Dwata, sélét mom hnungol le ne baluen ke wen tau bud mowil mógów ebélê le.’ ”

Kun Snulat Luk 24:11

Okóm là kô dog hentahu le du yó kem tehe hógów Jisas yó, ofo kul ke tódô kem kul lenbù tulón.

Kun Snulat Luk 24:41

Ewenem tolo mgel bélê le hemtahu du yóm deng klowilen, balù yóm tey kligal le, ne yóm tey ketnga le du. Bud mudél ebélê le Jisas, monen, “Wen ken ye kut kô?”

Kun Snulat Jan 20:25

Ne gotu tulón le du, mon le, “Deng ton me ne yóm gónó tekuy mogot.” Mon Tumas se kun, “Ke là naw na ton du yóm lan tutuk lem hólólen, ne ke là naw na ndù du tdok, ne ke là naw na sù du elem tum sol halì bè klabihen hólólu, là kô naw e hentahu du ke deng mowil.”

Kun Snulat Jan 20:8

Ominen husek se kun yóm sotu gel lemolò ke Jisas, yóm tehe gna gefet bè yó. Bè yóm ktonen yó kem nes masà, deng tódô hentahuhen ne yóm klowil Jisas.