Mark 16:10 - Udél Dwata: Gna Kesfasad ne Lomi Kesfasad

¹⁰ Bè yóm kton Midi yóm deng bud klowilen, tódô lemwót bè yó nan e tulón tu kem tau tehe gel lemolò du. Tolo lel le mkik yóm ksuten lem blóng le, abay se sidek klangag le ke Jisas.

Mark 16:10 Iomraidhean Croise

Matyu 19:22

Timbow gungol nim lomi lemnok ni koni yóm udél Jisas ebéléen yó, tódô lemwót, ya tey sidek keblat nawahen, abay se nalihen yóm tey kendengenen.

Matyu 24:30

Ominen yó he angat gfan gu bè longit yóm kun ilô yóm Ngà Tau. Bè yóm kton le du, tódô kentihen tau talak tonok, gotu le dmumu mkik lemwót bè khuli sel le. Tódô ton le se yóm Ngà Tau htuntun gu tta mung bè lobun. Ne ton le se yóm tey kfasangen ne yóm tey kegetahen.

Matyu 9:15

Ne bnalà Jisas lu, bede hningónen, monen, “Ke wen mò ken, là gbek le du ke là gbót le mken yó kem tau hol bak mulu yóm igoen tolo nô bélê le yóm logi myehen. Okóm angat wen kdawen tódô kwa le du bélê le yóm logi myehen. Yó he kton ye kul fasting.”

Mark 14:72

Ne tódô sen-gengen se kmóót onuk bè gewuhen dulék. Ominen yó gtulón bè nawa Pitér se yóm deng tehe eles mon Jisas mò du, yóm kmonen du, “Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem do.” Unihen gbel bè nawahen yóm tehe kmon Jisas mò du yó, ya tey kkiken.

Kun Snulat Luk 24:17

Yó mon Jisas mò kul, monen, “Tedu de nim kuy alì sentulón mógów ni?” Tódô le na hegsud mdà, lel yóm tey keblat nawa le.

Kun Snulat Jan 16:6

Mo ye mom hebang nawa lemwót bè yóm ktulónu du kuy ni kem ni.

Kun Snulat Jan 20:18

Tahu se, lemwót Midi mógów ebè yó kem gel lemolò ke Jisas, monen mò kul, “Deng tonu yóm gónó tekuy mogot.” Ne bud tulónen kul yóm deng mon Jisas mò du.