Mark 16:1 - Udél Dwata: Gna Kesfasad ne Lomi Kesfasad

¹ Timbow kogol yóm Kdaw Kehegnô le, lemwót yó kem libun na le e bemli yóm hnolo alì tilob boohen mò tô lunol le bè lówó Jisas. Yó boluy yó kem libun yó, Midi lemwót bè Megdala, ne yóm sotu Midi Yê Jim, ne Selumi.

Mark 16:1 Iomraidhean Croise

Tekang Kbuten 50:2

Omin Jusif tminok yó kem tau gel hemsù bulung là bolok bè tau matay anì hensù le bulung maen.

2 Tutul Israél 16:14

Lebeng le bè yóm gónó lembeng deng hmoen mò kun bè syudad Dabid. Sù le lem yóm lungun dê kay hboo le du, ne wen tey ofi hbong yó kem tau mò ilô yóm kadat le du.

Mark 14:3

Bè yóm knô Jisas bè Bitani, mken bè gónô yóm sotu tau tehe gemnóm des mifù, boluyen Simun. Bè yóm igoen tolo mken bè yó, sut béléen yóm sotu libun, wen sobuy alabastér nwiten hnok yóm gel hboo alì mebtes, ne alì minggel boohen, boluyen nard, yóm gel hboo laen dù bolen, hono duhen. Ominen temful lihol yóm sobuy yó, ne gotu msulék koken te kulu Jisas.

Mark 14:8

Yóm nmoen béléu ni, tódô nmoen yóm hol són gbeken. Yóm deng koken bè lówóhu ni,” mon Jisas, “mò eles hgifaten do bè yóm angat kebeng le dou.

Mark 15:40

Wen se kem libun nô bè yó, olo le temngel mayuk. Mung kul se yóm Midi lemwót bè Megdala, ne yóm sotu Midi yê yóm sotu Jim yóm gel mon le twoli, ne Jusif ne yóm sotu libun boluyen Selumi.

Mark 15:42

Bè yóm kdaw katay Jisas, kdaw snaan yóm Kdaw Kehegnô yó kem Ju, yóm kdaw eles gel kehtifes le bè yóm Kdaw Kehegnô. Timbow deng móyón kimel bè yó, wen sotu tau sut boluyen Jusif, tau lemwót bè Arimatiya. Du se sotu bè yó kem tau gel kmukum bè yó kem Ju, ne tey kadat le du. Gel hendónen snéen kun yóm kdaw angat kogot Dwata tau. Yó nmoen, tódô mógów ebè Paylét nan e bal du yóm kwahen lówó Jisas.

Mark 15:47

Ne ton yóm Midi lemwót bè Megdala, ne yóm sotu Midi yê yóm sotu Jusif snéen yóm gónón lembeng ke Jisas.

Mark 16:2

Timbow deng minal mwas bè Akad, tódô le lemwót mógów ebè yóm lebeng Jisas.

Mark 16:8

Tahu se, tódô le lemwót yó kem libun, mlóy le gu ditu. Ya tey sidek klikò le, botong setbol kkel le. Yóm kgefet le bè kem dumu le, bà udì ke wen tulón le, bà mon tey sidek klikò le. [

Kun Snulat Luk 23:54

Nim kebeng le ke Jisas ni, deng móyón kimel ne bè Byérnis. Sok deng sdef kdaw, yó ne kbuten yóm Kdaw Kehegnô.

Kun Snulat Luk 23:56

Omin le yó mulék, hentifes le yóm alì minggel boohen angat sù le bè lówóhen, duhen yó kem dê kay doun ne hboo. Okóm laen dù nmò le bè yóm Kdaw Kehegnô, ulit le bè yóm kul hlau.

Kun Snulat Luk 24:1

Hanà tolo minal mwas bè Akad, lemwót yó kem libun ebè yóm kilib gónón lebeng Jisas. Gotu nit le yó kem alì minggel boohen deng tehe eles hentifes le.

Kun Snulat Jan 19:25

Ne bè yó klohok yóm kros Jisas gónó le mdà le yéen, ne yóm twoli yéen, ne Midi yehen Klupas, ne yóm sotu Midi lemwót bè Megdala.

Kun Snulat Jan 19:31

Yóm kdaw yó, suluk yóm sotu Kdaw Kehegnô alì bong muhen bè yó kem Ju. Là móyô le du yó kem Ju wen glalen ke gafit yóm kdaw yó yóm ketléwéng lówó yó kem tau deng htutuk le bè kros. Yó gónó le na a smólók du bè Paylét ke hyu na a hetfok ti le yó kem tau tléwéng bè yó anì géhél nwa le lu elaan.